Elf ... مشترياتي من إلف - الجزء الاول

اهلين يا حلوين..

من اكثر من شهر جاتني هفه جميلة وقلت لازم اشتري من إلف.. لانو كل ال Beauty Gurus  بس يمدحو فيه .. وبصراحة قلت رخيص وخليني اجرب وماني خسرانة شي..

دخلت على موقعهم..

http://www.eyeslipsface.com/

اديكم نبذة عن الشركة..

هي شركة للمكياج وكل اسكسسواراته .. منتجاتها تبدأ من سعر دولار الى 15 دولار واغلب المنتجات في حدود 3 دولار

الجودة طبعا متوسطة وفي اشياء رديئة..

ولكن مرات كتير تكون عندهم اشياء فلتات ومحد خسران لما يجرب ويعرف..

عندهم 3 خطوط .. They have 3 lines

اول خط اسمو Essential

وهو الارخص اغلب منتجاته فيه في حدود الدولار

ثاني خط فيه وتعتبر الجوده افضل فيه وهو Studio

اغلب المنتجات فيه ب 3 دولار او اكثر

ثالث خط وهو  Mineral

ومعناه معادن .. وهي شي جديد طالعه فيه برندات المكياج والكريمات.. انو المكونات حقت المنتج طبيعيه نوعا ما

اغلب المنتجات في اللاين دا 3 دولار او اكثر..

ELF  اختصار الى Eyes  Lips  Face

كل شي خاص للوجه من ناحية المكياج...

تجربتي الاولى معاهم كانت جدا جميلة .. لانه بالصدفة كان في تخفيضات على أي منتج ب 3 دولار او اكتر .. هيصير ب نص القيمة..

شحنهم الى داخل امريكا ب 6 دولار اذا اتعدت مشترياتك ال 25 يصير فري Free!

خلي الصور تشرح نفسها..

احلى اللحظات :))))) ال UNBOXING  فتح الكرتونة

نبدأ نقسم الاشياء الى مجموعات

اول شي الفرش...

A- فرش من مجموعه

 Essential

يعني كل فرشة بدولار

1- Eyeshadow Brush

فرشة الاي شادو



 2- Eyecrease Bruch

فرشة لتجويف العين

3- Eyelashes & Brows Wand

فرشة لترتيب الرموش والحواجب

B-  فرش مجموعة Studio

الفرشة ب 3 دولار

1- Angled Blush Brush

هادي فرشة تستخدم غالبا للكونتور على الخدود لان فيها طرف اطول من التاني وجي بطريقة مايلة /

2- Small Stipple Brush

الفرشة للفاوندايشن السائل وصغيرة عشان للمناطق الي تحتاج تركيز اكثر 

3- Kabuki Face Brush

الفرشة  الكبيرة دي اسمها كابوكي.. غالبا نحط بيها البودرة الي تبغي توزعيها على كل وجهك وبمسحتين .. وتعطيكي لوك متوازن

4- Powder Brush

فرشة لوضع البودرة لان سطحها مستوي .. فيكون توزعها متساوي..

بالصراحة انا استخدمها للفاوناديشن السائل لانها سريعة جدا وتوزيعها جميل.. وناعمة جدا جدا..

5- Flawless Concealer Brush

فرشة خاصه لتوزيع الكونسيلير.. بطريقة سريعة ومضمونة

6- Retractable Lip Brush

فرشة للارواج بس ايش ميزتها انها للشنطة وتتغطى وتفضل نضيفة.. 

7- Mascara & Shadow Shield

 الاختراع الجديد يتمسك تحت الرموش الي تحت او فوق الرموش الي فوق عشان لا تطبع على الجلد...

نكمل في تدوينة جديده :)...

ن

Leave a Comment الجمال