مشترياتي من الشنط في رحلة دبي..

اهلين :))

اليوم مشتريات من نوع اخر !

طبعا ماحد يقدر يقاوم الشوبينج في دبي وخصوصا لما يكون في تخفيضات وخصوصا لما يكون على الماركات!

وبالصراحة حتى لو مافي هنشتري هنشتري كل شي يحمسك تشتري !

ندخل في الموضوع ..

انا كان في بالي انو ما اكرر أي لون عندي وكمان ابغى اشتري اشكال مختلفه ابغى انوع وقلت لنفسي اشتري الي تحتاجيه مو الي تبغيه :)

طلعت ب 3 شنط

نبدأ باول وحده وافخم وحده فيهم

برادا PRADA

اشتريت شنطة ومحفظة ..

وما طقمت !

اسم الشنطة :

Saffiano Vernice Small Round Top-Handle Bag

اللون :

Gray (Argilla)

ولاول مرة اجيب الحجم الصغير دا قلت من باب التغير ونفس الشي اللون طبعا انا اعشق اللون الابيض في الشنط لكن عارفه ومتأكده انها هيتغير لونها من اول لبسه مع العباية فقررت اخذ شي اقرب الجراي الي على بيج

نيجي للمحفظة ..

قررت اغير في اللون تماما واجيبها ماهي صغيرة عشان اقدر استخدمها وتكون عملية اكثر..

الاسم:

Saffiano Triangle Continental Flap Wallet

اللون:

Emerald Green

الشنطة الثانية ..

كايت سبايد / Kate Spade

لما شفتها ما اتحمستلها مرة لانه مافيها شي جديد.. ولكن لما فتحتها .. اكتشفت انها مرررة تشيل اشياء كثير وشكلها مو كبير وتليق على أي عباية .. وكمان فيها ستراب طويل يعني تنفع للسفر .. فحسيتها مرة عملية :)

الاسم:

catherine street pippa