DIY .. سويها بنفسك.. سلة رمضان

اهلييييييييييييين :))))

وحشتوني ... سافرت ورجعت ! ادري سفراتي كترت بس احس بما اني غير مرتبطة لا بزوج ولا اطفال خليني استغل دي الفترة في السفر مع أي فرد من افراد العائلة الكريمة!!

رحنا اسطنبول ورجعنا ..

بس قبل لا اكتب المليون بوست لاسطنبول..

في بوستين مرررة مهمين من اول قاعدة اجهز فيهم :))

اول واحد حق اليوم!!

سلة رمضااااااااااااان

(كل عام وانتم بخير) :)))

الفكرة جاتني قبل رمضان بشهرين تقريبا وقعدت افكر وافكر .. في اشياء كنت ابغى اضيفها على السلة وكمان بعد ما خلصت جاتني كم فكرة كمان بس تتعوض ان شاء الله رمضان الي يجي :))

الصور مررة راح تشرح كل شي ..

اغلب الاشياء من البشاوات او مهجة وكمان من أي سوبر ماركت ...

ان شاء الله تعجبكم الفكرة ..

خلينا نشوف الشكل النهائي .. وبعد كدا الخطوات الي وصلتنا للشكل دا!

ايش استخدمت؟؟

سلة

خيط صوف

خيط دبارة

قماش

مقص

3 كونتاينرز (علب او برطمان بالشكل الي تحبيه)

الاشياء الي من السوبر ماركت او العطار

زيت زيتون

سماق

زعتر

دقة مديني

حمر

نعبي كل نوع في البرطمان

الفكرة اني اغلف كل وحدة بالقماش وازمها بالخيط ..

نفس الشي اسوية مع باقي البرطمانات .. كل وحدة من الثلاثه تتعبى سماق - زعتر - دقة .. وكمان قارورة الزيت

اما الحمر .. اوزعة على الاطراف جوا السلة :)

نيجي للتغليف ..

مقص

خرامة

خيط دبارة

خيط صوف

ورق سلوفان

صورة نزلتها من الانتر نت مكتوب فيها كل عام وانتم بخير.. وطبعتها بالحجم الي ناسبني وقصيتها

الشكل النهائي..

التكلفة الاجماليه للحبة اقل من 80 ريال تقريبا.. وحسيت انها مرة هدية حلوة على رمضان للقرايب والاصحاب :)

ن

4 comments إصنعها بنفسك