رحلة اسبانيا .. مدينة فالينسيا

اهلين :)

ثاني محطة لينا في اسبانيا كانت فالنسيا!

طبعا فلنسيا و برشلونة في مقاطعة كاتلونيا .. ليهم لغة خاصه غير الاسباني .. وطبعهم وحياتهم واشكالهم مختلفة..

البلد ظريفة وحلوة .. وملونة وفيها روح :) 

جلسنا فيها يوم بليلة .. ما اتمشيت كتير .. بس رحنا متحف السيراميك و اهم واكبر معلم عندهم  مدينة الفنون والعلوم

خليني اخدكم معايا في الرحلة .. من وقت ما مشي القطار من مديد !

طبعا كانت اول مره اسافر بدون بابا وماما .. فكنت متولية الامور المالية .. وكل يوم اجلس احسب قد ايش صرفنا عشان نكون ماشين on track :)

السفر بالقطار متعة وقطاراتهم مرة مرتبة ونضيفة..

وصلناااااااا :)

وصلنا الفندق .. 

الفيو من غرفتي ..

اخذنا فندق في وسط البلد عشان يكون قريب من كل شي واهم الاماكن السياحية ..

جلسنا في كافيه كابتشينو نفطر .. 

ركبنا الباص وبدأت جولتنا .. وبدأ عندي الانبهار بجمال الفن المعماري عندهم :)

وصلنا متحف السيراميك ..

شي صغير وحلو .. اكثر شيء بهرني القاعة الرئيسية .. 

حابين تعرفوا عنه اكثر ..

https://en.wikipedia.org/wiki/Gonz%C3%A1lez_Mart%C3%AD_National_Museum_of_Ceramics_and_Decorative_Arts

القاعة الرئيسية..

السقف :) 

رجعنا ركبنا الباص ..

وصلنا اهم واشهر مكان في فلنسيا .. مدينة الفنون والعلوم

عبارة عن 7 مباني بجانب بعض .. كل مبنى طريقة تنفيذه وبناءه مختلفة وبتعبر عن شكل او رمز معين .. وكل شي بداخلها له علاقة بالفنون والعلوم ..

حابين تعرفو اكثر ..

https://ar.wikipedia.org/wiki/%D9%85%D8%AF%D9%8A%D9%86%D8%A9_%D8%A7%D9%84%D9%81%D9%86%D9%88%D9%86_%D9%88%D8%A7%D9%84%D8%B9%D9%84%D9%88%D9%85

امامها كان في مول .. واختي اصرت تدخل عشان تبغى محل ديزني :)

ركبنا الباص .. ووصلنا الين البحر .. الشاطئ عندهم في طرف المدينة وفيه مرسى لليخوت ..

اشهر اكله في اسبانيا باييلا او زي ما بينطقوها .. باييا .. .قلنا خلينا نجربها 

حابين تعرفو عنها اكثر ..

https://ar.wikipedia.org/wiki/%D8%A8%D8%A7%D9%8A%D9%80%D9%8A%D8%A7

جربنا بال sea food  والدجاج .. انا عجبتني الي بال sea food حسيت لزيزة ومختلفة الي بالدجاج حسيت كانها كبسة بس الكبسة حقتنا  اطعم ..

من اكثر الاشياء الي احبها في اوروبا الشوارع في الليل والاضاءة والتماشي ..

كدا خلصنا يومنا في فالنسيا .. مدينة جميلة رايقة .. فيها اماكن اكثر .. بس ما مدانا الوقت فيها حديقة حيوانات مره كبيرة .. 

جوها في شهر مارس الاجمل في السنة ... اختي راحتها بعدها في سبتمبر مره كان حر!

اشوفكم في البوست القادم .. في قرطبة :)

ن

Leave a Comment السفر