رحلة الكويت .. دليل المطاعم..

اهلييين :)

اليوم مكملة معاكم رحلتي الى الكويت .. وخلينا نشوف المطاعم والكافيهات .. نصيحة نصيحة نصيحة .. تسوي دايت قبل لا تروحي الكويت لان بمنتهى الصراحة ما قد ذقت نكهة وطعم وكمية من اللذة مثل ما ذقت في مطاعم الكويت :)))

البوست اليوم فيه مطاعم وكافيهات رحتها وايش جربت فيها

حابه اتكلم عن نقطة مهمه .. اغلب المطاعم في الكويت ماهي فرنشايز يعني ماهي شركة اجنبية واخذو وكالتها .. لا .. اغلبها افكار شباب من الكويت طبقوها بشكل عصري وعرفو يسوقولها صح .. ونجحت وصار لهم فروع .. الله يزيدهم وعقبال ما اشوف نفس الشي عندنا :)

نبدأ كرك غلام ..

من اول وانا اتابعهم على انستجرام انا من عشاق الكرك :)) ( الشاهي العدني) .. تخيلو محل مخصص فيه:)

المطعم مرة حلو ..

طلبت كرك ومعاه جباتي بالكرافت وديما واختها طلبو جباتي بالجبن والديك الرومي وفلافل .. والصراحة كل شي عجبني ومرة حلو وبروفيشنال :))

بعدها قررنا نروح نحلي بناءا على توصية ديما .. على بريكفست كلوب :))))

عندهم شي قاااااااااااااااتل البانك كيك بشكولاتة الكيندر .. من جد اتعب اقول مميت ( انا اشوف الصور تعبت!)

طلبنا دلة قهوة .. جاتنا على شمعة ..

انا عن نفسي ما احب البان كيك احسه كأنه عجين وما احب السيرب حقو .. ولكن !!!! هذا الاختراع غيررررررررررررررررر واطلبوه اكسترا تشكوليت :)))

الحمدلله اكلنا وكل شي .. وانا منشلغة بالتصوير .. لقيت محل مقابل البريكفست كلوب .. اسمه شاتو شيك .. يعني قلعة الشياكة .. مرة لفتني شكلة وتصميمه ومنتجاته .. حسيت انه بوتيك بشكل مختلف .. صراحة بعد البان كيك ماهقدر اجرب اي شي اكله ولكن دخلت اخذت لفة وصورتلكم المكان :)

نيجي لحبيب الشباب اليفيشن برجر ..

الصراحة اخويا الي طلب نروحه وانا شفت ناس كثير مدحوه ..

رحنا الفرع الي خارج الفندق ..

كل اللحم عضوي ..

البرجر لزيززز ولكن مرة كبير .. احس يناسب الشباب اكثر ..

نأتي للعشق الحقيقي :)))))))

بيك يوووووووووووووووووو

طيب .. عشان اكون واقعيه هو ايسكريم زبادي (يوقرت ايس كريم ) عادي جدا ولكن!! الصوص الي عندهم الي بالفستق هنا الكلام!! انا جربت من كل الفروع .. حطين - كيفان - المباركية .. كل مكان جربت .. صعب اوصف الاحساس والطعم .. تحسي بالسعادة والهدوء :)

المهم دا المكان دائما زحمة ماشاء الله وعلى قولة ديما ( صديقتي الكويتيه) كل فترة تطلع هبه في الكويت ويفتح محل جديد ويصير زحمة عليه وبعد فترة خلاص تخف الزحمة .. الا بيك يو مستمرة .. ومن نعمة ربي في يوم رحت وقت صلاة الجمعة وكان جدا فاضي فقدرت اصورلكم المكان من الداخل ..