اهلين :)
اليوم حابة اوريكم اخر مشترياتي من الأحذية اكرمكم الله :) .. دي المرة كلها جزم مريحة حقت الكرف!!
DIY .. سويها بنفسك .. تقويم شهري وسبورة صغيرة على الحائط
Friday, December 19, 2014
اهلين :)
اليوم يوم سويها بنفسك :))) مرة اتحمس على دي البوستات .. خصوصا لما اشوف شي واحب اطبقه ويزبط .. احب اشاركم تجربتي ومن جد استفدت منها ..
مرة سهله وماهي مكلفة وراح تساعدك تنظمي يومك :)
حسيت مع بداية سنة جديدة نحتاج أشياء ترتب وقتنا وتفتح النفس!
Le Concheur Chocolate... تقيمي ل- لوكونشير للشكولاته
Saturday, December 13, 2014
اهلين :)
اليوم الموضوع جدااا محمس !!
هتكلم عن محل للشكولاته .. هو نفسه يصنع الشكولاته والكيكات وكل شي ويمديكي كمان تشوفيهم وهما يسوها :)) بس قبل لا أتكلم عن المحل وتجربتي فيه .. هتكلم عن كيف سمعت عنه :)
رحلة الطائف
Saturday, November 29, 2014
اهلين :))
اليوم مكملة معاكم .. اخر رحلة ليا برة جدة كانت من أسبوعين تقريبا ! الى الطائف .. صارلي سنيييييين ما زرت الطايف مع العلم جدتي ثبيتيه وديرتها هناك .. ولكن ما صرنا نروح لانهم كلهم سكنو جدة وخلاص :)
الزبدة كانت رحلة ممتعه .. وذكرتني بطفولتي :)
رحلة مكة .. تقيمي لفندق فيرمونت الساعة
Friday, November 28, 2014
اهلين :))
من شهر رحت مكة .. ونزلنا في فيرمونت الساعة .. ما كانت اول مرة ولا الأخيرة ان شاء الله :)
الفيرمونت سلسلة فنادق عالمية مشهورة .. لكن حق مكة غير .. الحرم الجو العام الراحة النفسية .. خرااافيه :)
الصور هتتكلم عن كل شي وكل شيء بمعنى الكلمة كان رائع وبجد الفطور عندهم احسن من أي فطور في العالم!
رحلة مصر .. تقيم المطاعم
Thursday, November 27, 2014
اهلين :)
طبعا انا كنت في إجازة الحج في مصر وتنقلت بين القاهرة والإسكندرية ومارينا ..
واكتشفت من الصور اني ما صورت الا المطاعم والاكل .. فقررت اعمل تدوينة مطولة عن كل المطاعم الي رحتها :))
..Walgreens Haul.. مشترياتي من صيدلية وال جرين :)
Friday, November 21, 2014
اهلين :))
وطولت الغيبة! مرة وحشتني المدونة .. كنت مررة مشغولة وخصوصا ببنت اختي الصغيرة ..
ندخل في الموضوع المحمس !!
صحبتي قالتلي ايش تبغيني اجبلك من أمريكا :)))) اكيد مكياج .. واكيد أشياء خفيفة عشان ما هثقل عليها في الوزن .. قلتلها ايش اقرب صيديلة ليكي؟ قالت وال جرين .. دخلت وطلبت كل شي !.. الله يعينكم على طول البوست وان شاء الله تستفيدو :)
College 101 .. لا للتسويف
Saturday, September 20, 2014
اهلين :)
اليوم ابغى أتكلم معاكم واشاركم شي مررة مهم وبالصراحة مو بس لبنات الجامعة لا لاي شخص ! بيسوي أي شي حتى لو ام وما عندها وظيفة غير بيتها وعيالها!!
هتكلم عن ازمة التسويف الازلية.. ديما ما يكون فينا ودايما ما ابغى ودايما بعدين؟ وبعدين فجأة لا لازم دحين أقوم اسويه
AllaboutNOUN :))
Sunday, August 31, 2014
اهلين :)))))
اليوم يوم سعيد بالنسبة ليا ... واكيد مو عشان الدراسة بدأت !! عشان الحمدلله الشكل الشبه النهائي خلص لمدونتي .. والموضوع اخد في حدود الشهرين .. لا ننسى رمضان وعيد وزحمه!
اليوم مرت سنة وشهر على اول تدوينة كتبتها .. حابه اشكر كل متابعاتي وكمان صديقاتي المدونات،لأنه لولا الله ثم دعمكم و تشجيعكم ماكنت استمريت..
الشي الي حابه ااكد عليه .. الاسم المدونة ..
كانت: allaboutNOON
صارت: allaboutNOUN
وكل شي ثاني زي ماهوا :))
واللوجو الرسمي حقي ..
احب اشكر الانسانه الجميلة دارين .. الي سوتلي التصميم وساعدتني في ترتيب المدونة :))
للتواصل معاها : mercury_kamen@hotmail.com
ن
الاستعداد النفسي للجامعة
Tuesday, August 26, 2014
اهلين :)
اليوم موضوعنا مختلف .. جاني تاج من فترة من الجميلة الاء سعيد .. على الانستجرام عن استعداداتك للجامعه وكيف تكوني مستعده .. في ناس اتكلمت عن المكياج .. في ناس اتكلمت عن الملابس .. مرة عجبتني نصايحهم .. بس انا حبيت أتكلم عن شي مختلف .. ابغى أتكلم عن استعدادك النفسي للجامعه ..
ليش اخترت أتكلم عن الموضوع دا بالذات؟ عشان انا عانيت في اول سنه ليا في الجامعه ..
Lokma & Ulus cafe.. رحلة تركيا .. تقيمي لمطعم لقمة ..و..أولوس كافيه..
Friday, August 22, 2014
اهلين :)
اليوم اخر بوست ليا عن رحلة تركيا !! شهرين وانا اكتب في البوستات .. في ناس تقول ليش مرة كثير وفي ناس تحب تختصر كل الرحلة في بوست او 2 بس انا احب الصور :) واضح من بوستاتي ! وثاني شي احب التفاصيل احب اشوف اكثر من اني اقرا او اسمع .. عشان كذا اكثر من البوستات والتفاصيل البصريه :))
الزبدة اليوم اخر يوم لتغطيتي لرحلة تركيا .. وهتكون عن مطاعم رحتها وحقيقي الاثنين أروع من بعض في جلستهم اكلهم وال view ... ( في منطقة اتيلير)
Nusr.Et Restaurant .. رحلة تركيا .. تقيمي لمطعم نصرت..
Wednesday, August 20, 2014
اهلين :)))))
اليوم مكملة معاكم مطاعم إسطنبول ... بس دي المرة شي جدا محمس!!
المطعم دا من اشهر وافخم مطاعم اسطنبول وتعبر أسعاره مرتفعه .. وللناس الي ماياكلو لحم لايشوف الصور :))
نصرت .. في كذا فرع بس الي زرناه كان في منطقة ايتلير ..
Mado &Simit Sarayi.. رحلة تركيا .. تقيمي لمطعم مادو وسيميت سراي ..
Monday, August 18, 2014
اهلين :))
اليوم مكملة معاكم رحلة تركيا وهتكلم عن اشهر مكانين للاكل تلاقيهم في إسطنبول في كل شارع وكل حارة :))
مطعم وكفيه مادو وكمان سميت سراي ..
نتكلم عن مادو في الأول :)
رحلة تركيا.. من فين تتسوقي في اسطنبول
Friday, August 15, 2014
اهلين :)))))
وحشتوني!!
مررة انشغلت مع ولادة اختي والزيارات والعيد ..... الحمدلله كل شي كان حلو.. حابه اكمل معاكم موضوعين في رحلتي لتركيا .. الشوبينج والمطاعم :))
اليوم خليني اختصر كل معلوماتي التسوقيه في بوست واحد :)
البوست هيكون مقسم اشهر المولات الي الي احب اشتري منها وكمان اشهر الماركات التركيه الي مرة تعجبني ..
رحلة تركيا .. بورصة
Wednesday, July 23, 2014
رحلة تركيا .. التماشي ..
Tuesday, July 22, 2014
اهلين :))
اليوم الموضوع حلو .. كولو تماشي وفين ممكن نقدر نتمشى وفي نفس الوقت نسوي شوبينج ..
في 3 أماكن لازم تزوريها لما تكوني في إسطنبول ..
أولا منطقة .. نيشان تاشي
Nişantaşı
من ارقى الأماكن في إسطنبول وفيها كل الماركات العالمية .. الشوارع جدا نضيفة والمنطقة هاديه وفيها كافيهات ومطاعم حلوة ..
رحلة تركيا .. جزر الاميرات ..
Monday, July 21, 2014
اهلين :))
اليوم هاخدكم برة إسطنبول شوية .. من اهم المعالم السياحية .. جزر الاميرات :)
رحلة تركيا .. يوم في اسيا
Saturday, July 19, 2014
اهلين ..
اليوم مكملة معاكم .. بس شي مختلف شوية .. غالبا كل السياح لما يزوروا إسطنبول بتكون الجهة الاوروبيه هي محل اقامتهم .. عشان فيها الأماكن السياحية والتراثيه وكمان التسوق .. بس انا قررت اغير شوية وقلت خليني ازور الجهة الاسيوية .. وهي الجهه الي فيها اقامة اغلب اهل إسطنبول لانها اهداء وارخص واقل زحمة ..
Istanbul Akvaryum.. رحلة تركيا .. زيارتي للاكواريوم ..
Tuesday, July 15, 2014
اهلين :)
اليوم مكملة معاكي .. أماكن زرتها في إسطنبول ومكان اليوم يناسب الأطفال والكبار ..
بالصراحة ما عندنا أطفال بس ماما هي الي كانت تبغى تروح :))
المكان كبير وحلو .. بس في النهاية اكواريوم عادي .. يعني اذا رحتو حق ماليزيا خلاص مالو داعي تعيدو تاني .. بس الي عجبني فيه ان بيتكلم عن اشهر أماكن العالم ومسوي نفس الديكورات حتى لدرجة في مكان لغابات الامازون .. مو بس حر يموتتتتتت من الحر والرطوبة شي مو طبيعي كأنك فعلا هناك!!
MİNİATÜRK .. رحلة تركيا .. زيارتي لميني تورك ..
Saturday, July 12, 2014
اهلين :)
اليوم مكملة معاكم سياحة في إسطنبول الجميلة .. بس دي المرة شيء مختلف من الأماكن التاريخية ..
اليوم موضوعنا عن ميني تورك ..
عبارة عن مكان مررة حلو .. فيه اهم معالم تركيا بس على اشكال مجسمات صغيرة .. توصل لحجم الانسان ..
المكان عائلي جدا .. ومسلي وحلو .. بس نصييييييييحة لا تروحو في الظهر مرررة شمس وحر!!
في جلسات وقعدات وكافيه .. وكمان محل فيه هدايا واشياء تذكارية وكمان في مكان تلبسي فيه زي حريم السلطان :)) وتتصوري !!
حابة تعرفي اكتر ..
رحلة تركيا .. المتحف الاسلامي في اسطنبول ..
Thursday, July 10, 2014
اهلين :)
اليوم مكملة معاكم مزار سياحي في ساحة السلطان احمد ....وهو المتحف الاسلامي ..
نبذة :
بُني المتحف عام 1524، وكان في الأصل قصراً لإبراهيم باشا الفرنجي، الذي كان أول صدر أعظم يعينه السلطان سليمان القانوني.
تضم تشكيلة المعروضات في المتحف أمثلة على: المخطوطات الإسلامية والقبعات الفخمة والسجادات، وعرض لحضارات مختلفة بتركيا. وهذه العروض هي إعادة إحياء غرف الأسر القديمة بتركيا ونمط حياتهم من أزمنة ومناطق مختلفة.
..
فكرة المتحف انه فيه قطع اثرية وصور عبر التاريخ .. من جميع مناطق تركيا ..
نشوف الصور :)
Hagia Sophia.. رحلة تركيا .. ايا صوفيا ..
Tuesday, July 8, 2014
اهلين :))
اليوم .. المكااان غير... معرف كيف اوصف دا المكان .. لكن بجد احساس غريب .. ما قد حسيته قبل في أي مكان .. احسيت اني انفصلت عن العالم .. وكاني سافرت عبر التاريخ !! دا اقرب وصف لاحساسي..
نبذة عن المكان ..
مجسد أيا صوفيا ، وهو كنيسة ضخمة بناها جستنيان الأول البيزنطي سنة 537 ، وقد سقطت قبتها عدة مرات ، وآخر مرة أعيد بناؤها سنة 1346 وقد أجريت عدة تقويات وترميمات للمبنى في العهد العثماني ، وقد غير السلطان محمد الفاتح المبنى ليكون مسجدا ، وأضاف إليه منارة ، ثم أضيف إليه منارة أخرى زمن السلطان بايزيد الثاني ، وقد كان أيا صوفيا مسجدا لمدة 481 سنة ليحوله أتاتورك إلى متحف سنة 1934
حابه تعرفي اكثر ..
مكانه .. امام مسجد السلطان احمد .. الجامع الازرق يفصلهم عن بعض الساحة ..
نشوف الصور :)
الساحة ...
Sultan Ahmed & Topkapı.. رحلة تركيا ... ساحة السلطان احمد + توبكابي
Monday, July 7, 2014
اهلين :))
اليوم مكملة معاكم وهتكلم عن اهم المناطق الي ما تتفوت ! ساحة اللسطان احمد..
Dolmabahçe Palace.. رحلة تركيا .. قصر دولما بهاجا
Saturday, July 5, 2014
اهلين :))
اليوم مكملة معاكم اهم المعالم السياحية في اسطنبول هنتكلم اليوم عن قصر دولما باهجا .. اكثر من طريقة للنطق الصحيح ..
كل الي اعرفه ان بهجه او باهشى معناها حديقة :))
رحلة تركيا .. رحلة في البسفور
Friday, July 4, 2014
اهلين :))
رمضااان .. والله احبه بس نومي ملخبططط في وقت لاي شي .. الليل جدا قصير!!
المهم .. مكملة معاكم رحلتي لتركيا .. وخليني اتكلم عن السياحة في اسطنبول وابدأ باهم واروق شي يتسوى هناك .. وهو رحلة البسفور :))
Lasagrada Hotel.. رحلة تركيا .. فندق لازاجرادا اسطنبول
Monday, June 30, 2014
اهلين :)
كل عام وانتم بخير وصحة وسلامة وسعادة :))
بالصراحة اترددت اكتب عن رحلتي حقت اسطنبول في رمضان ولا بعدها .. بس حسيت ان في ناس كتير ناوية او بتفكر تسافر بعد العيد على تركيا قلت ممكن احد يستفيد من التدوينات اكتبها قبل العيد افضل ..
قبل أي شي حابة اقول ان انا دوبي راجعة من 10 ايام تقريبا وهادي رابع سنة على التوالي .. اعشق اسطنبول واحس بجد اقدر اعيش فيها واستقر كمان :)
طيب خلينا نبدأ ...كالعادة اول بوست يكون عن الفندق :)
DIY.. .. سويها بنفسك .. ديكور رمضاني
Monday, June 23, 2014
اهلين ..
مررة شكرا على التعليقات الحلوة والحماس الي كان منكم على سلة رمضان .. اليوم هكمل معاكم رمضان بس دي المرة الديكور الرمضاني لغرفة الجلسة ..
اشياء مرة بسيطة وعشان ماما توافق بصراحة .. اذا انت متزوجة عيشي حياتك وغيري أي شي تبغيه :)
خلينا نبدأ بأول واحد:)
ماني عارفه ايش اسميه :))
ممكن نقول براويز مثلا او طارات !
المهم شكله النهائي حلو والوان رمضانيه :)
DIY .. سويها بنفسك.. سلة رمضان
Sunday, June 22, 2014
اهلييييييييييييين :))))
وحشتوني ... سافرت ورجعت ! ادري سفراتي كترت بس احس بما اني غير مرتبطة لا بزوج ولا اطفال خليني استغل دي الفترة في السفر مع أي فرد من افراد العائلة الكريمة!!
رحنا اسطنبول ورجعنا ..
بس قبل لا اكتب المليون بوست لاسطنبول..
في بوستين مرررة مهمين من اول قاعدة اجهز فيهم :))
اول واحد حق اليوم!!
سلة رمضااااااااااااان
(كل عام وانتم بخير) :)))
الفكرة جاتني قبل رمضان بشهرين تقريبا وقعدت افكر وافكر .. في اشياء كنت ابغى اضيفها على السلة وكمان بعد ما خلصت جاتني كم فكرة كمان بس تتعوض ان شاء الله رمضان الي يجي :))
الصور مررة راح تشرح كل شي ..
اغلب الاشياء من البشاوات او مهجة وكمان من أي سوبر ماركت ...
ان شاء الله تعجبكم الفكرة ..
خلينا نشوف الشكل النهائي .. وبعد كدا الخطوات الي وصلتنا للشكل دا!
.. رحلة باريس .. المطاعم
Wednesday, June 11, 2014
اهلين :)
اليوم اخر بوست عن باريس :(
وقررت تكون كلها اكل في اكل ..
Seine Boat Tour .. رحلة باريس .. جولة في نهر السين..
Friday, June 6, 2014
اهلين :)
اليوم مكملة معاكم رحلة باريس ... وخلينا نشوف كيف نهر السين من العصر الى الليل :)
galeries lafayette .. رحلة باريس .. مشترياتي من جالري لافيت
Thursday, June 5, 2014
اهلين :)
اليوم مكملة معاكم رحلة باريس بس اليوم مشتريات .. للاسف لم اقاوم نفسي كثيرا!! بصراحة اذا دخلتو دا المكان ما هتتحملو ما تشترو شي!!
للاسف تصويري للمكان ما كان حلو .. مرة كان زحمة وكمان بالجوال وكنت بالحرف بجري ورا ماما من كورنر لكورنر ومن محل لمحل!! ترا ماما مدمنة شوبينج اكثر مني بمراحل!!
Louvre.. Part 2.. رحلة باريس.. متحف اللوفر.. شقة نابليون ..
Wednesday, June 4, 2014
اهلين :)
اليوم مكملة معاكم .. شقة نابليون ! الجزء المحمس :)))
ما ابغى اهرج كتير.. لان الصور رائعه !
Louvre.. رحلة باريس.. متحف اللوفر..
Saturday, May 31, 2014
اهلين :))
اليوم الموضوع جميييييييل .. بس طووويل ولكن كالعادة احب الصور تتكلم عن نفسها .. عشان كدا طول الوبوست في الصور الكثير!
واخيرااااا رحت اللوفر بعد قرون من الزن على ماما! وبصراحة كان يستاهل الزن وثانيا معاها حق تطفش لانه كبيررررررر وما يخلص لدرجة ان ممكن تشتري تذكرة دخول حق يومين!!
رحلة باريس .. سياحة بالباص
Tuesday, May 27, 2014
اهلين :)
كيفكم يا حلوين ؟؟
بالصراحة بوستات السفر اكثر شي احبه .. لاني اعشق السفر
وبوست اليوم مميز لانه سياحة ماهو شوبينج!!
تعالو معايا نشوف بارس:)
رحلة باريس .. تقيمي لفندق الماريوت.. + تمشية في الشانزليزيه ..
Saturday, May 24, 2014
اهلين :))
اليوم رجعتلكم ثاني للسفر وبوستات السفر ..
الشهر الماضي سافرنا فرنسا على السريع حوالي اسبوع .. وكان من اروع ما يكون الحمدلله ..
DIY -.. سويها بنفسك - لوحة ديكور
Thursday, May 15, 2014
اهلين :))
اليوم الموضوع مختلف وجديد!
حابه اشاركم اعمالي البسيطة الي من جد بتطلعني من المود!! وحتى لو هي مرة بسيطة او سخيفة بس بنبسط اني سويتها..
Layla's Gourmet ... تقيمي لكافيه ليلى جورميه..
Wednesday, May 14, 2014
اهلين : ))
اليوم موضوعي حلو.. وناااااااااااس كثير من جده ومن بره جده نفسهم يتعرفو على دا المكان الجميل وديما يسألو على مكانه :))
طيب احكيكم الحكاية..
دا المكان الجميل المريح .. عبارة عن كافيه مرررة صغير وفكرته كأنه صالون في بيتنا بالديكور والجلسات .. ما يقدم وجبات يعتمد على السندوتشات الصغيرة والمعجنات البسيطة والقهوة او الشاي .. عندهم حلويات لزيزة جدا!! ..
مرة مناسب لجلسة العصر او حتى في الليل اذا نحبي تطلعي مع صحباتك تحلي بدون عشا :)
خلينا نشوف الصور :)
من الخارج..
مشترياتي من الشنط في رحلة دبي..
Thursday, May 8, 2014
اهلين :))
اليوم مشتريات من نوع اخر !
طبعا ماحد يقدر يقاوم الشوبينج في دبي وخصوصا لما يكون في تخفيضات وخصوصا لما يكون على الماركات!
وبالصراحة حتى لو مافي هنشتري هنشتري كل شي يحمسك تشتري !
