Cheesecake Factory Restaurant .. تقيمي لمطعم تشيز كيك فاكرتري

اهلين ..

البوست اليوم ملياااااااااان صور ومغريات .. لو مسوية دايت لا تشوفيه :)))

باين من العنوان انه عن شي مرة دسم ..

في ضجة صارت من اسبوع او 10 ايام عن مجمع مطاعم الشايع الي فتح مكان لو مول في جدة..

من ضمنهم تشيز كيك فاكرتي .. طبعا انا احب اشياء معينه عنده وجربته قبل كدا في دبي .. وصحبتي في يوم حمستني ورحنا وكان وقت المغرب..

وقفنا بره نص ساعه طابور الين يفتح!! ولما دخلنا انتظرنا 10 دقايق كمان!!!  هتقولو الموضوع مو مستاهل .. بصراحة ايوة ماني من النوع الي ممكن اوقف دا كولو عشان اكل! بس صحبتي مرة كان نفسها وما رضيت ازعلها :))

احب اقلكم .. لما تدخلو هتحسو دخلتو امريكا .. كل شي في المكان امريكي الا العملاء !  اغلب المدرا والويتيرز والطباخين من امريكا ( طبعا لفترة مؤقته بس عشان يتاكدو ان الجوده نفسها)!

بعدها  بكام يوم ماما قالت خلونا نروح غدا .. وكان الموضوع كليا مختلف !! لا كان في انتظار والاضاءه افضل بكتيررررررر داخل المحل .. ودحين هتلاحظو دا الشي مع الصور ..

اتكلمت كتير .. خلينا نشوف الصور..

هبدأ بالمرة الاولى ..

قبل ما الناس توقف طوابير..

المنيو.. عند الباب وفي زيو بالعربي

من الداخل..

في جلسة عند المدخل تروحي تقعدي فيها بعد ما تعطيهم اسمك وكم فرد ويعطوكي زي ريموت يهز اذا جا دورك ..

بعد  10 دقائق جا دورنا وجا واحد اخدنا الين الطاوله وعرفنا بنفسه وقال هو الي هياخد مننا الطلبات ..

جاب سلة صغيرة فيها نوعين من الخبز .. وزبده مالحة ..

في شي مرة مهم احب اقلكم عليه!!

الاسمر الي بالشوفان والعسل قااااااااااااااااااااااااااتل!!!

وطلبت منه وقالي ما بينباع .. لسه ما نزلوه في المنيو بس في امريكا بينباع عادي.. وكانو حبوبين واعطوني منه هديه!!

انا عارفه احجام الصحون حقتهم فقررت اني انا وصحبتي نتشارك في الطلبات ..

طلبنا سلطة بالجبنة الريكفورد

طعمها كان جيد  بس للي يحب طعم ال blue cheese !

واكيد بيبسي ..

وهدا الشي الاساسي ... كرات المكرونة بالجبنة المقلية ........ جبارة!!!

شكلها من جوا :))))))

وما حبينا نطلب شي زياده عشان لازم نحلي ..

طلبنا ريدفيلفت red velvet cake cheese cake

ابداااااااااااااااااا ما عجبتني ثقيللللللللللللللللللللله !

اوك!

لاحظتو الاضاءه ؟؟؟ كيف بدون فلاش سيئة !! وخصوصا مع الازعاج ..

بس فيها ميزة !  محد شايف الي جنبو يعني بجد محد يحتاج بارتشن! لانه يادوب نشوف الاكل والي معانا..

نيجي للمرة التانية ..

الي مرة انبسطت فيها اكتر عشان الاضاءة (نور ربنا:))

الطلبات ..

دا الطلب على ما اذكر .. اسمه لوزيانا تشكين

مررررة جيد ولزيز

سيزر سالد

الاكيد انه كثير علينا الاكل دا  فاخدنا to go!

نيجي لتشكيلة الكيكات !!!

كل الكيكات الي في التلاجة .. عبارة عن تيشز كيك ما عدا في وحده بالشكولاته فقط..

في 3 كيكات فوق التلاجة مافيهم تشيز كيك 2 بالشكولاته ووحده بالجزر ..

كل الكيكات ممكن تاخدو منها بالقطعة او كاملة .. وممكن بالطلب وفي مقاسين ..

ممكن تطلبه المنيو حق الكيك وانتو ماشين وفيه كل الاسعار ..

نيجي للكيكة الوحيده الي بالشكولاته بدون تيشز كيك  ... و تكون باردة ..

ال 3 كيكات فوق التلاجة ..

اخدنا to go  اشهر والز وحده عندهم وهيا الي بالاوريو وكمان قلنا نجرب الي بالكوكيزز بس بالاوريو اطعم ..

بالكوكيز..

نيجي للتقيم!

المكان حجمة كبير .. بس عدد  الوايتيرز وكمان المدرا كبير .. تحسي على عدد العملاء! شي كويس انك ابدا ما تحسي نفسك متطنشه! بس شي مو كويس عشان الزحمة صعبه!

الاضاءه في الليل بالنسبالي جدا مزعجة!!

الاكل جدا دسم ولكن مرررة طعم .. نصيحتي مهما كنتي جيعانة اتوقعي تاكلي ربع الصحن فقط!

الاسعار .. نوع ما مرتفعه لان الكمية كبيرة..

الجلسة مريحة ..

الخدمة ممتازة

اخر نصيحة ... حاولي تروحي غدا ومو وقت الصلاة لانهم يقفلو المحل تماما!!

ن

2 comments المطاعم