رحلة باريس .. تقيمي لفندق الماريوت.. + تمشية في الشانزليزيه ..

اهلين :))

اليوم رجعتلكم ثاني للسفر وبوستات السفر ..

الشهر الماضي سافرنا فرنسا على السريع حوالي اسبوع .. وكان من اروع ما يكون الحمدلله ..

اخر مرة زرت فيها فرنسا كان عام 2000 .. اتذكر اكيد اشياء كثيررر وعشان كدا لاحظت كم شي ..واهمها انها ابدا ما اتغيرت لكن! الناس مرررة اسلوبهم اتغير وصارو مرررة حبوبين وبيتكلمو انجليزي افضل من الاول بمراحل!!

اجمل شي كان في الرحلة انها كانت فجائية وثاني شي توقيتها الجو كان خرافي :)))

اتفقت مع نفسي اني ما هسوي شيئن .. ما راح اسوي شوبينج وحلفت ما راح اشتري مكيااااج.. لاني بجد افتريت في دبي !!

بصراحة التزمت بموضوع المكياج ولكن موضوع الشوبينج مو مرة بس حاولت امسك نفسي كثيررر لاني كنت ابغاها رحلة كلها تماشي وسياحة فقط..

طيب اليوم التدوينة عن  فندق الماريوت في الشانزليزيه ..

وصلنا مرة بدري على باريس .. والين وصلنا الفندق اخد مننا الطريق حوالي نص ساعة..

خلينا نشوف الصور :)

هنا المدخل من برة .. شايفين المحلات الي جنبنا !! كل شوية اقول لنفسي حلفتي ماراح تشتري مايكب!!

ندخل جوا الفندق...

يلا نطلع للغرفة ..

المصعد..

وصلنا الدور

غرفتي ..

المنظر الخارجي من الغرفة ..

الحمام..

نيجي للتقيم ..

الفندق مررة  موقعه ممتااااز..

مساحة الغرف مريحة في الحركة .. والسرير جدا مريح للنوم

نضيف ومرتب

اكثر شي مريح الخدمة اكثر من رائعه .. وفي موظفين كتيررر يتكلمو عربي

كان ودي اصور المطعم حق الفطور .. مررة زحمة ودائما فيه ناس وانحرجت ! بس الاكل مقسم ومكتوب بالعربي اذا حلال او لا..

بصراحة الفندق مكتظ :) بالعرب ..

.. طيب  لاننا وصلنا مرررة بدري .. دخلنا فطرنا ولازم ننتظر الين تتنظف الغرف ..

خرجت اتمشيت انا وماما في الشانزليزيه :)))))))))))))))))))))))))))))))))))))))))))))))))))))

الهدوء الروقان النضافة الجو الخرافي .. الصور هتشرح اكثر..

طبعا من اجمل المباني في الشارع :)))

ومن نعمة ربنا عشان لا اتهور .. يوم وصولنا يوم الاحد وكل شي كان مقفل بس كل الانوار مفتوحة عشان يحنسو الناس ويخلوهم يرجعو ثاني عشان يشترو !

واحنا قاعدين نتمشى .. بالصدفة البحته دخلنا في شارع ... ما هكتب الصور هتفهمكم كيف متعب للاعصاااااب !!!

هذا الشي الكيوووت عبارة عن سيارة قديمة ويسو اروع كريب في الحياه ..

ودخلنا الشارع الاليم ...

ما يحتاج اتكلم عن محلالالات شانيل .. لانهم مقسمين ..

للشنط و  للملابس والاكسسوارات

ما كملت الشارع بسبب ماما!! لانها مرررة انقهرت ان المحلات مقفلة.. يوم الاحد وقالتلي ماراح اكمل وكل شي مقفل!!

لفينا ورجعنا ولقيت دا المركز الثقافي وكان مقفل للاسف..

رجعنا الفندق ثاني .. وكان صارت على 12 تقريبا .. وطلعنا نناااااام :))))

ن

4 comments السفر