رحلة دبي.. مراكز التسوق - دبي مول

اهلين :)

طبعا اول كلمة تيجي في بالنا اذا قلنا دبي يعني شوبينج :))

والبوست اليوم مخصص لدبي مول حبيب الجميع ..

هتكلم بالتفصيل .. وكمان هتكلم عن كم مكان للحلا :))

طبعا هو 4  طوابق .. تحت الارض والارضي والاول والثاني ..

منطقة للازياء فيها الماركات العالمية ..

منطقة السوق على الطراز الاسلامي

منطقة القرية وكلها محلات الجينز

منطقة الشلال فيها كافيهات

منطقة الاكواريوم قدام اجمل محل حلويات :))

منطقة التزلج

منطقة السنيما

منطقة النافورة

الزبده ماراح يخلص في يوم ولا يومين.. والنصيحة اول ما تدخلو دورو على الستاند حق الخريطة وخليها معاكي وصدقيني هتحتاجيها :))

حابه تعرفي اكثر :

http://www.thedubaimall.com/ar/index.aspx

وهنا كمان بالعربي وبالتفصيل :)

http://itraveltodubai.com/dubaimall.html

نشوف الصور!!

من الداخل ..

جربت الكيك من عند The Hummingbird Bakery

الي لفتني فيه الوانه وديكوره وطبعا الحلا يجذب أي شخص :))

بس اخترت كيكة الشكولاته وحسيت طعمها عادي ومافيها أي اختلاف ..

يوم تاني جربت كوكيز من Ben's

وكانت لزيزة ومختلفة .. من برة مقرمشة ومن جوة لينه :)

نيجي لمحل أي بنت لازم تمر عليه عشان تقشقش شوية خرابيط :))

ايش اشتريت؟؟

دفاتر صغيرة للشنطة .. وكليبس ملونة

عصارة ليمون واكواب وغراء

طبعا طحط في الماسكات خصوصا الي فيها كولاجين :)

جبت 3 اكواب صغيرة :)

هدا ليا مرررة عجبني ..

دولا لبابا وماما عشان يحبو يشربو القهوة العربي في شي اكبر من الفنجان :)

ومريت على لش :)

وجبت مقشر للشفايف .. بطعم الفشار :)

جلسات خارج المول عند النافورة ..

بالنهار..

في المغرب والليل ..

واسهل شي انكم تلاقو تاكسي .. واذا ما كان معاكم اكياس .. انصحكم تتمشو شويا في البوليفارد :)

ن

Leave a Comment الجمال, السفر, الموضة