Raffles Hotel .. رحلة دبي .. تقيمي لفندق رافلز

اهلين :))

اليوم حابة اكلمكم عن تجربتي لفندق الرافلز دبي .. نزلنا فيه اخر مرة رحنا دبي .. بالصراحة دي المرة كنا بدون ماما! فما كانت روقان طول الوقت ... وعشان كدا حاولت اخذت صور قد ما اقدر وللاسف ما مداني اصور الفطور .. بس بجد رائع والتنوع ممتاز..

طيب خلينا نتكلم عن الفندق شوية..

فين موقعه؟

مرة قريب من المطار وقريب من كمان من دبي مول .. موقعه ممتاز ..

هو الثيم او الستايل حقة فرعوني مو هو بس حتى المول الي بيفتح عليه وهو وافي مول ..

هنا صورة من النت للشكل الخارجي ..

زي الهرم :)

الفندق من اشهر الفنادق العالمية .. ويتميز بانه فخم جدا .. والخدمة روعة وكل شي فيه حلو .. غير ان كل فروعه في العالم المساحة حقت الغرفة واسعه ومريحة جدا!

انا مرة انبسطت فيه بس بالنسبالي هو حق روقان .. حق مؤتمرات حق رحلة بزنس ابدا مو للشوبينج!

غير كدا من جد ممتع وحلو  :)

اسيبكم مع الصور ..

من برة وجوا ..

جدا مريح وجميل :)

اللوبي..

المصعد .. واللوبي

كنا في الدور ال 11 وانا واختي في نفس الغرفة :)

الغرفة ..

اتعب اقول مريحة ماشاء الله ومرررة كبيرة..

الحمام..

الغرفة..

البلكونة ..

نيجي لعشقي .. نيسبريسو..

غرفة الملابس.| الدولاب...

نيجي للمول الي مفتوح على الفندق.. وافي مول :)

عالم الروقااان!

صحينا متاخر .. وراح علينا الفطور وقلنا نفطر في بول ..

وطبعا لازم المجلات ..

التجربة كانت جميلة ورايقة .. واكيد راح اكررها :)

ن

Leave a Comment السفر