رحلة تركيا .. يوم في اسيا

اهلين ..

اليوم مكملة معاكم .. بس شي مختلف شوية .. غالبا كل السياح لما يزوروا إسطنبول بتكون الجهة الاوروبيه هي محل اقامتهم .. عشان فيها الأماكن السياحية والتراثيه وكمان التسوق .. بس انا قررت اغير شوية وقلت خليني ازور الجهة الاسيوية .. وهي الجهه الي فيها اقامة اغلب اهل إسطنبول لانها اهداء وارخص واقل زحمة ..



انا رحت مع صحبتي هي مامتها تركية وابوها سعودي .. وبيت مامتها في الجهه الاسيوية .. حافظة المنطقة وطلبت منها اروح شارع بغداد لاني دايما اسمع انه رائع وفعلا  طلع جدا جميل ورااايق:)

رحنا جلسنا على البحر شوية وبعد كدا اتمشينا ودخلنا على الشارع .. ما قدرت اتمشى فيه كله بس تقريبا نصه .. وبعدها رحنا اتغدينا عند خلتها ورجعت على المغرب لماما :))

كان يوم جميل ..  نشوف الصور ..

الورووود .. فعلا فرق وكل الناس في بلكوناتها في ورووود :))

وصلنا شارع بغداد :))

خلصنا وركبنا تكسي نزلنا في شوارع عادية الين نوصل بيت خالة صحبتي ..

بعد ما خلصنا غدا .. قالتلي في محل قريب يبيع الز وافر في إسطنبول .. من جد لزيززززززززززز

اكلنا وقمنا نمتشى الين نوصل للعبارة الي في البسفور ..

عندهم أماكن كتير جلسات على البحر ..

المحار منتشر في كل مكان ..

وجا وقت الغروب .. اجمل صور .. للضفى الثانية .. جهة السلطان احمد :))

ن

Leave a Comment السفر