رحلة مصر .. تقيم المطاعم

اهلين :)

طبعا انا كنت في إجازة الحج في مصر وتنقلت بين القاهرة والإسكندرية ومارينا ..

واكتشفت من الصور اني ما صورت الا المطاعم والاكل .. فقررت اعمل تدوينة مطولة عن كل المطاعم الي رحتها :))

نبدأ بالقاهرة .. وسيتي ستارز ومطعم الدكان ..

مرررة عجبتني الفكرة انو مطعم .. اكل شعبي وعربي بطريقة مرة مودرن ..

وشعارهم .. ( نخلي البلدي .. شيك)

المنيو :))

طلبنا مقبلات .. وبيض وسجق وشاي وحلا وكل شي اطعم من الثاني .. والخدمة كانت رائعه :))

وسافرنا الإسكندرية ..

اول مطعم اعشقة بس ما مداني اصور كتير ,, ليبانيرو .. هو على البحر موقعه جدااا جميل .. بس دائما زحمة .. ومن جد يستاهل كجلسة وخدمة واكل ومطل على البحر ..

اكل لبناني.. تبولة فتوش فتة حمص .. وشاورما :)

بالصراحة لو في شي واحد اجلس اشتهيه وانا في جده .. وابغى اروح دا المطعم عشانه هو اللقيمات الي بالشكولاته (صوص ابيض وبني ) ااااااه على الطعم !!!!

قلك قلك بعد ال 10000 كالوري اخذ شاي اخضر :)))

ثاني مطعم .. قديمممم ومشهور ..  تكا

تكا موقعه في بحري .. يعني زي البلد في جدة .. كل شي قديم وحلو .. والمطعم زاره اغلب المشاهير والفنانين .. ومحافظين على نفس المستوى في الطعم والنضافة والخدمة

في المدخل لوحة كبيرررة .. فيها صور للمشاهير وهما في المطعم

المنظر المطل .. راااائع ورايق..

العيش البوري :)) انه العشق!

واخر مطعم في اسكندرية .. ليلى من بيروت

المطعم معروف وليه فروع كثير .. في الخليج واكله لبناني وجدا مرتب والخدمة ممتازة ومرة حلو :) والحلو ان المطعم مستاجرين فيلا قديمة ف حي راقي جدا .. ومرتبين المكان بطريقة جدا جميلة ومريحة .. وما راح أتكلم عن الاكل لانه اكثر من رائع :)

داالشي خراااافي .. سجق بدبس الرمان :)))

الحلا .. غزل بيروت ( حلاوا شعر)

كنافة عثمانلي قااااااااااااتلة :)))

حفلة الشاي الجميلة .. البراد والطقم كامل مرة حلو :)

سافرنا على مرينا .. واتغدينا في حلقة السمك

خليني اخذكم لفة على البحر .. وبعدين نروح على المطعم :)

المطعم دا من الز المطاعم في مصر للاسماك وخصوصا دا الفرع .. وكل مرة نطلب نفس الطلبات ونكون مرة متحمسين عليها :))

اول ما ندخل نشوف السمك ونختاره ونطلب طريقة طبخه ..

واخر شي الشاي ..

اخذكم لفة جوا المرينا :) 

وبكدا خلصت البوست الي كله مطاعم :)

ن 

5 comments السفر, المطاعم