..Walgreens Haul.. مشترياتي من صيدلية وال جرين :)

اهلين :))

وطولت الغيبة! مرة وحشتني المدونة .. كنت مررة مشغولة وخصوصا ببنت اختي الصغيرة ..

ندخل في الموضوع المحمس !!

صحبتي قالتلي ايش تبغيني اجبلك من أمريكا :)))) اكيد مكياج .. واكيد أشياء خفيفة عشان ما هثقل عليها في الوزن .. قلتلها ايش اقرب صيديلة ليكي؟ قالت وال جرين .. دخلت وطلبت كل شي !..  الله يعينكم على طول البوست وان شاء الله تستفيدو :)

نبدأ بالعناية ..

دا التونر اسمو وتش هايزل نصحتني فيه نيلو الي اخذت معاها كورس المكياج . . انه تونر ومرة حلو وارخص من البايو ديرما ويناسب جميع البشرات

طبعا طلبت ال 3 ماسكات المشهورة اول واحد بالنعناع

ممتاااز  للحبوب والبشرة الدهنية .. بس انتبهي تحطية على أي مكان جاف في وجهك!

ماسك ببذور العنب .. خفيف من النوع الي يتقشر .. ويناسب أي بشرة

الماسك الطيني .. ابعدي عنه لو بشرتك حساسة .. حسيته ينعم ويصفي البشرة ..

طلبت كريم سمعت عليه مدح كثيرر .. يرطب ويفتح .. وانا احتاجه لكوعي .. مع جلست المكتب والرسم احس مرة نشفت وغمق لونها

نيجي للمكياج ..

اول شي ريميل .. سمعت مدح كتيررر على البرايمر حقهم .. وقلت خليني اجرب البيبي كريم وكمان السيتينج باودر المشهورة ..

(شفت البيبي كريم والستينج باودر في سنتر بوينت بس البرايمر لا)

طلبت الايشادو بيس .. الأبيض لانه سمعت عليه مدح كثير ..  مو مرة فظيع لانه ياخد وقت الين يندمج

ومن اكثر الأشياء الي سمعت عليها مدح .. الكونسيلير حق مايبيلين .. انا ابدأ ما ناسبني .. الاسفنجة مررة غلط وتقرفني وما ارتحت عليه في ناس كثيرررر عجبهم وناسبهم ..

لوريال..

ابدا ما اقدر احكم عليه .. للأسف اخذت ميديم .. جداااا غامق على بشرتي .. ويخليني برتقالي :( انا قلت عشان يخليني شوية تان .. بس كملمس مرة حلو ..

اكثر شيئين كنت متحمسة عليهم .. من كفرجيرل ..

الماسكرا مررة ناسبتني وجدا مريحة و حلوة

الفاونديشن دا .. جدا مريح .. لانه خفيف وحتى اذا مو نفس درجة بشرتك يتكيف عليها ويصير قريب منها .. خفيف ولطيف ..

مناكير من سالي هانسن ... مرة عجبني اللون :))

ميلاني .. ما قد جربت شي من عندهم ..

قلت خليني اجرب قلم للحواجب .. وكمان قلم الإضاءة .. عملين بس مهم واو

طلبت رموش بس لسه ما جربتهم

ريفلون ..

طلبت الغرا حق الرموش .. الأسود

عكافة الرموش ..

اخذت الفاونديشن والباودر

الدرجة جدااااا ناسبتني بس احسه ثقيل شوية لكن ثباته قوي وتغطيته قويه

 الباودر .. رااائعة اذا ما فيا احط فاوندايشن . بس يبغالها ترطيب قبل وبعد ..

وكدا خلصت :) ان شاء الله راح اسوري ريفيوهات مبسطة على الانستجرام

ن

11 comments الجمال