رحلة الطائف

اهلين :))

اليوم مكملة معاكم .. اخر رحلة ليا برة جدة كانت من أسبوعين تقريبا !  الى الطائف .. صارلي سنيييييين ما زرت الطايف مع العلم جدتي ثبيتيه وديرتها هناك .. ولكن ما صرنا نروح لانهم كلهم سكنو جدة وخلاص :)

الزبدة كانت رحلة ممتعه .. وذكرتني بطفولتي :)

اول محطة كانت .. الهدا .. وركبنا التلفريك :)))

ثاني محطة مصنع الورد

ثالث محطة السوق القديم

رابع محطة والأخيرة .. الشفا :)

لحظة وصولي الى الهدا ..

الجو كان خراااافي :)))

اتفاجأت انه منتجع كامل .. وفي ملاهي ومطاعم .. ومر يحمس ومرتب .. وكان في أجانب كمان

 

وطلعت صليت الظهر والعصر جمع وقصر .. مرة حلو المسجد على الطراز القديم :))

نيجي للمهم .. التلفريك ..

طيب حابة اقلكم انه جدااا رائع ومرة نضيف ومرتب ومهتمين بصيانته ما شاء الله وانا عن نفسي اعشق الأماكن المرتفعة :)))

وصلنا القمة :)

حبيت السما والسحاب :)

المحطة الثانية .. مصنع عصر الورد :)

مرة كان يحمس .. شرحلنا كل شي .. وكيف طريقة العصر واستخراج الزيت واستخراج الموية .. ومرة كانت رحلة حلوة

انطلقنا للمحطة الثالثه وهي السوق القديم :))

مرة حلو .. وفيه محلات العسل والعطارة وكمان موية الورد ..

اخر محطة .. الشفا .. من جد ما اتوقعتها بسطة .. بس فاقت توقعاتي ..

نظام كل عيلة تستاجر خيمة او 2 حسب عددهم ... ومن حقهم يشو .. مرة الجلسات مرتبة ونضيفة .. وكمان في جنبها مكان عشان تركبي دباب.. مرة كان حلو

وخلصت رحلتنا ورجعنا لجدة وكنت فاااصلة بس يوم كان رائع .. وان شاء الله راح اكرر التجربة :))

ن

6 comments السفر