DIY .. سويها بنفسك .. تقويم شهري وسبورة صغيرة على الحائط

اهلين :)

اليوم يوم سويها بنفسك :))) مرة اتحمس على دي البوستات .. خصوصا لما اشوف شي واحب اطبقه ويزبط .. احب اشاركم تجربتي ومن جد استفدت منها ..

مرة سهله وماهي مكلفة وراح تساعدك تنظمي يومك :)

حسيت مع بداية سنة جديدة نحتاج أشياء ترتب وقتنا وتفتح النفس!

كان في جدار  فاضي عندي بين الباب والشباك ! قلت اعلق عليه لوح .. بعدين كنت قاعدة ادور في النت على أفكار .. شفت دي الفكرة من فترة .. وقلت خليني اجربها والحمدلله زبطت !!

الجدار ..

ايش تحتاجي؟

مقص

مسطرة

مرسام

بوستد

واشي تايب ( اختاريه ملون سواء لون واحد او فيه باترن)

قلم اسود

نيجي للعمل ..

تاخد المسطرة الطويلة .. وتقمسي المربعات للحجم الي تحبيه ..

وتوصلي بينهم ..

اختاري اللصق الي يعجبك .. واحد رول هيكفيكي  ويزيد اذا هتكون 70 * 70 سم

أيام الأسبوع بالطول .. والاسابيع بالعرض .. سويها 7 خطوط بالطول .. و 5 خطوط بالعرض للاسابيع .. (غير حدود التقويم)

 الشكل النهائي ..

طبعا تفتحي التقويم من الجوال .. وتشوفي الشهر يبدأ في ايت يوم وترتبي الايام والبوستد على دا الأساس ..

في جزء صغير بقي .. جلست افكر ايش ممكن اسوي فيه الين جاتني فكرة الملاحظات .. وقلت خليني اسويها شوية مختلفة ..

نيجي للفكرة الثانية .. وهي السبورة الصغيرة ..

نحتاج لوح خشبي ب 10 ريال من البشوات

وطباشير سواء بيضا او ملونة ..

والشيء المهم الي صراحة طلبته من امريكا .. وما اعرف اذا موجود هنا ولا لا .. بخاخ يعطي ملمس ولون السبور .

منشفة صغيرة

لصق دبل فايس .. الي يلصق من الجهتين

جبت كرتون ودي افضل طريقة عشان تتفادي اي تخبيص !

دخلت اللوح الخشب جوا وبعد كدا رشيته .. مكتوب على البخاخ ربع ساعه وينشف انا صراحة تركته 40 دقيقة .. ويحتاج مرتين عشان اللون يطلع قوي وشكلو حلو ..

الطبقة الأولى ..

الطبقة الثانية بعد 40 دقيقة ..

الشكل النهائي بعد ما نشفت

نقطة مهمه بعد ما نشف .. تلونيه كولو بالطباشير ..  وبعدها تمسحية بالمنشفة .. تكون شوية مبلبلة ..

تقلبيها وقصي اللصق في المكان المناسب ..

الشكل النهائي ,,

طلعت حلوة الحمدلله !!

أتمنى تكون عجبتكم !

ن

4 comments إصنعها بنفسك