مشترياتي من سنتر بوينت ورأي فيها

اهلين يا حلوات.. وكل عام وانتم بخير..

امس رحت سنتر بوينت كنت ابغى اشتري شي للبيت .. وفجأة لقيت نفسي في قسم المكياج :)

الموضوع ابتدا ان عندي نقص في الارواج وكنت ابغى لون احمر للخريف ..

وانتهى ب ..

خلينا نبدأ :)

وقفت عند ريميل Rimmel 

  كنت ابغى أي لون احمر والاندر تون حقو ازرق عشان يبيض الاسنان ..

لقيت في مجموعة kate

رقم 107

السعر: 33 ريال

بصراحة .. اللون ماهو احمر احمر بس هو تقريبا cranberry  يعني الاحمر الي على فوشي جدا غامق .. بس عجبني عشان فعلا بيضلي اسناني وكمان عشان لون للخريف وكريمي على الشفايف وثباته قوي جدا..

ثاني روج هو Royalty 085

السعر: 30

الموف الي على بينك .. ما عندي دي الدرجة وحبيت قوامه .. بس ثباته ماهو قوي زي الي قبله ولكن ناعم .. واحلى شي فيه انو تقدري تخليه خفيف وتقدري تتقليه وفي كل الحالات بيطلع حلو ..

ثالث شي هو الروج الي على شكل جلوس .. سو عليه ضجة كبيرررة Apocalips -

Galaxy

السعر: 34 ريال

اللون قريب من الروج الي قبله ولكن.. لمعته مطفيه ولونو اغمق .. بصراحة ما حسيت انه فرق عن الارواج العادية بس ميزته ما يلصق ويدبق زي الجلوس العادي ..  كريمي وجميل .. اظن هروح اجرب الاحمر لانه اقوى :)

واخر شي من ريميل .. قلت احتاج ايلينر بس قلم.. فقلت خليني اجرب

Scandaleyes thick & thin

السعر: 28 ريال

اول شي لقيته حلو فيه انه فعلا تقدري تتحكمي في سماكة الخط ولكن! الاسود ماهو قوي كفاية .. لازم تعيدي عليه مرتين اقل شي عشان يكون  درجة السواد مقبولة .. وكمان المشكلة الاكبر لاحظت انه ثابت سيء جدا يكاد يكون معدوم  بس اول ما تفركي عينيك ينخبص معاكي شوية ..

ابدا ما انصح فيه!

  نيجي لمشترياتي من مايبيلين Maybelline

اول شي :))) كنت ابغى اجربه من فترة ومره انسى بس لقيتو قدامي وقلت لازم اجربه  cherry me - baby lips

السعر : 15 ريال

الريحة جميلة جداا ومافيلو طعم ولونو على الشفايف ناعم .. اخف على الشفايف من لابيلو الي بالكرز ..

تاني شي كان الجيل ايلينر البني لاني جربته من عند اختي وعجبني وقلت لازم اشتريه gel eyeliner - 02 brown

السعر: 42 ريال

من جد راااائع .. ومن جد مرة سهل استخدامه وكمان الفرشة حقته ممتازة وحتى لو انت اول مرة تجربي الايلينر بالفرشة هتلاقي جدا سهل .. واسهل طريقة انك ترسمي الخط على منابت رموشك ولو تحبي تتخنيه يصير ارسمي مرة كمان على اعلى شوية وهيزبط معاكي .. ثباته ممتاز .. نيجي لفكرة البني .. انا احب البني لانه قريب من الوان العين وكمان شكلة طبيعي ودائما احب اخلي الاسود للخرجة المهمه او للزيارات لان يخلي الشكل جلامريس .. فالبني جميل لكل يوم .. ويخلي عينك منورة شوية ..

اخر شي والي عمري ما سمعت عنه! clear smoth all in one powder

السعر: 35 ريال

هذا الاختراع الي ما سمعت عنه! لانه طلع مصنع في تايلند.. وهما مشهورين باي بودرة تخفي كل العيوب وضد اللمعه وكمان فيها حمايه من الشمس.. الاشياء الي بيتكلمو عنها كتير .. فقلت خليني اجربها ..

فعلا طلعت سحر!!!!!!!!!!!

خلي وجهي قطعة وحده .. وترا لا كنت حطيت قبلها ولا شي ولا حتى كريم ولا برايمر ولا شي وبدون كونسيلر مع ان وجهي لونو مو واحد وفي اماكن اغمق من اماكن .. واستخدمت نفس الاسفنجة حقتهم ...

وتقعد جربتها لمدة 4 ساعات ومن جد ممتازة بس لا تيجي علهيا موية او عرق .. هتبدأ مرة تخف..

طيب انا لقيت في سنتر بوينت 3 درجات وهي

001  light

002 nude beige

004 honey

في درجة لقيتها على النت وهي

003 natural

انا اخذت 002

حستها تناسب لون بشرتي جدا .. بس بفكر اروح اخد اخمق وحده عشان لما ابغى اسوي كونتور او ابغى اللوك البرونزي احسن هتكون مناسبة جدا.. انصحكم تجربوها

وعشان لا تتلخبطو .. ماهي زي stay matt

حقت ريميل .. ماهي سيتينج باودر لا هيا زي الكومباكت باودر

اتمنى انهم ينزلو ال Line

كامل لانه شفت على النت بي بي كريم وكمان كونسيلير ستيك! ..

وبكدا تكون كل مشترياتي خلصت اتمنى تكونوا استفادوا :)))

 ن

3 comments الجمال