Nusr.Et Restaurant .. رحلة تركيا .. تقيمي لمطعم نصرت..

اهلين :)))))

اليوم مكملة معاكم مطاعم إسطنبول ... بس دي المرة شي جدا محمس!!

المطعم دا من اشهر وافخم مطاعم اسطنبول وتعبر أسعاره مرتفعه .. وللناس الي ماياكلو لحم لايشوف الصور :))

نصرت .. في كذا فرع بس الي زرناه كان في منطقة ايتلير ..

خلينا نشوف المكان من بره ومن جوا الأول وبعدين هتكلم عن الاكل شوية ..

بس تدخلي المحل .. تلاجات لحم كبيررررررة .. بالنسبة ليا الشكل يفجع !

الجلسات في الدور الأول .. جميلة ومريحة ومكيفة .. بس دائما زحمة وماشاء الله عددنا كان فوق ال20 فرد فاخذا طاولة كبيرة فوق ..

الدور الثاني ..

طاولتنا ..

نبدأ باهم شي الاكل ...

ما اقدر اوصفلكم قد ايش لزيزززززز لازم تجربوه عشان يوصلكم الإحساس :))

السلطة دي جييييييييدة !!

اعذروني ما اعرف أسماء الطلبات ..

طبعا كل الي طلبناه واكلناه كان لحوم!! وانا أصلا مو مرة احب اللحم ولكن !!!!!! لحمتهم مرررررة لزيزة ومختلفة والطريقة والطعم كل شي غيررر..

كان في وحده صحبة ماما ما تاكل لحوم فطلبت جمبري و بطاطس ..

لحم مشوي

الاختراع الاروع .. سوشي باللحم ..

في الأول يجي ني .. وبعدين ينطبخ قدامك بعدين ينحط عليه البهارات ..

من جد طعمة رااااااائع !

لحم مقلقل ..

في طلب عندهم مرة مشهور وهو الموهيتو .. بس اهم شي تطلبوه فيرجن عشان ما يكون فيه أي كحول .. ودي نصيحة حتى لو سافرتو برة أي شي تطلبوه ينشرب قولو للوايتر فيرجن :)