Queen Helene's Masque .. تقيم ماسكات / اقنعة كوين هيلين

اهلين :)

اليوم موضوع خفيف وسريع عن الماسكات المشهورة Queen Helene ..

من يوم ما عرفت شي اسمه يوتيوب وانا بسمع عن دي الماسكات .. وخصوصا الاخضر الي بالنعناع .. قمت اتحمست وقلت اجرب اكثر 3 انواع عليهم طلب في اي هيرب

..

نبدأ بالاول ..

اشهرهم  ماسك النعناع ..

قوامه طيني .. ريحته نعناع .. ولونه اخضر ..

مميزاته .. يساعد على التقليل من ظهور المسام وينظف الجلد ويخلي البشرتك خالية من الزيوت و ينعشها  ويقضي على حب الشاب والرؤوس السوداء ..

المدة على الوجه 15 دقيقة ..

طيب .. انا ايش رأي فيه؟

هو فعلا ينشف البشرة من الزيوت .. وكمان ينعشها وينظفها .. موضوع حب الشباب هو ما يقضي عليها لكن حسيت ان حجم الحبة صغر .. وكمان نشفها..

مرة يناسبني استخدمه مره الي مرتين في الشهر لما احس اني محتاجه انضف بشرتي وينعشها ..

انا طبيعة بشرتي مختلطة .. منطقة التي زون  دهنية .. جربت مره احطه كل وجهي مره نشفلي خدودي .. فاي وحده بشرتها مو دهنية تعبد عنو :)

حابه تجربيه ...

http://sa.iherb.com/Queen-Helene-Mint-Julep-Masque-Oily-and-Acne-Prone-Skin-8-oz-227-g/5796

ثاني ماسك قناع الطين ..

قوامه طيني .. ريحته ورد .. ولونه بني ..

مميزاته .. يشد الوجه .. وينقي ويصفي البشرة .. يعيد حيوية البشرة ويزيل التجاعيد..

المدة على الوجه 15 دقيقة ..

رأي فيه.. حبيته اكثر من الاخضر الي بالنعناع .. حسيت من جد ينقي ويصفي بشرتي .. ويزيد من اشراق الوجه .. وفي النفس الوقت ما نشف بشرتي .. ولا حتى المناطق الجافه ..

استخدمه من 3 الى 4 مرات في الشهر .. وما خيب ظني ابدا ..

حابه تجربيه ..

http://sa.iherb.com/Queen-Helene-Mud-Pack-Masque-8-oz-227-g/18196

القناع الثالث والاخير ..

قناع  بذورالعنب ..

دا القناع قوامه مختلف .. زي الجل Gel بس مررة يلصق ..

لونه شفاف على بنفسجي مره فاتح .. ريحته خفيفة ما تحسي فيها اصلا

المدة على الوجه 10 دقائق ..

مميزاته ..

ينقي البشرة ويصغر المسامات .. ويجدد حيويتها .. ويوحد لونها

انا لما جربته حسيت انه نعم بشرتي فقط!

ما حسيت انه فرق مره معايا .. بس بصراحة .. مناسب لاي نوع بشرة لانه ابدا ما حسيت بجفاف.

 ما صرت استخدمه كثير .. 

حابه تجربيه ..

http://sa.iherb.com/Queen-Helene-Grape-Seed-Peel-Off-Masque-6-oz-170-g/18194

خلاصة تجربتي ..

الاخضر مناسب للبشرة الدهنية الي يطلعلها حبوب .. ينشف ويساعد على امتصاص الدهون

البني .. مناسب للبشرة العادية ينقي البشرة ويصفيها 

البنفسجي .. مناسب لجميع انواع البشرة .. ما حسيت تاثير كبير غير التنعيم ..

اهم ما يميزهم كمية كبير يطولو معاكي .. وسعرهم مرة قليل ..

اكبر عيب فيهم .. الحوسة وقت التنضيف .. 

ن

Leave a Comment الجمال