رحلة اسبانيا .. مدينة مدريد

اهلين :))

كل عام وانتم بخير .. سنة جديدة مليئة بالانجازات يارب

طيب .. نبدأ رحلتنا الي وقفناها .. بس نبدأ من مدريد زي ما وعدتكم! وصلنا بدري وكنا ميتين تعب ..اسبانيا معروفين باشياء كثيررر لكن بالنسبالي اكثر شي جذاب وسحري في اسبانيا .. فن العمارة .. الالوان التصاميم والمباني .. تغذية بصرية .. عالم اخر .. انا من النوع اذا سافرت ما افكر في الاكل ولا السهر ولا الطلعات .. احب اشوف الشعب الثقافة التاريخ .. كيف حضارتهم .. اسبانيا كدولة تناسب ميولي جدا :)دي كانت اول مره ازور فيها اسبانيا .. وهاخدكم في رحلة معايا من وصولنا للمطار الي وصلولنا لمحطة القطار عشان نتجه الى فلانسيا :)نبدأ بالمطار... طبعا كبيررر ومرتب لكن صعب تعرفي المداخل والمخارج .. تصميمه فيه لفلفة شوية .. عكس مطار برشلونة الي هنشوفو

بعدين..

خليني اتمشى معاكم شوية في شوارع مدريد :) .. واجمل شيء الجو الرائع!

دي البطاطس الز شي في الحيااااه .. مررررة مقرمشة ومالحة .. ابدا ما اكلت عندهم

french fries دي اطعم بمراحل!

دي المنطقة تعتبر وسط مدريد واهم المناطق الي فيها البرلمان .. وديما اذا في اي مظاهرات تصير هناك

دي كانت نقطة الصفر لمدريد نقطة وسط المدينة.

في محل كبير لريال مدريد .. طبعا دخلنا عشان اخويا ..

نيجي لاكبر مأساه واجهتنا هناك:) الاكل .. اكلهم مو لزيززززز ابداااااااا ونادرا ما نلاقي مطعم اسباني وهما شعب وجباتهم المشهورين فيها 90% منها مقبلات يعني مو اكل !الحمدلله اول يوم لقينا مطعم ايطالي دخلنا اكلنا وكان لزيز ..

جلسنا نتمشى الين الليل ..

واحنا بنتمشى لقيت محل الحلويات دا جنبه عجبني تصميم المحل ..

هما مرة معروفين بالدانتيل والتطريز واي شي فيه فن يدوي

خلصنا اليوم الاول .. وصحينا اليوم التاني الحمدلله افضل.. وقررنا نركب الباص الي يدور المدينة معانا .. وعشان مافي وقت وهو يوم واحد فقط .. قررنا انا واختي نضحي ونضيع ساعتين عشان خاطر عيون اخويا ويروح الملعب حق ريال مديد (Santiago Bernabéu Stadium)

وصلنا الملعب .. الحمدلله كل شي ممنوع التصوير!بس الملعب كل شي في الداخل ممنوع .. بس طبعا الاطفال متجنينين وخصوصا انهم دخل غرف تبديل ملابس اللاعبين وكل locker مكتوب عليها اسم اللاعب ..

طلعنا من هناك شوية وتغرب الشمس! ما نزلت من الباص جلست اتمشى اشوف البلد من فوق واصور .. ولا ركزت ايش اسماء الاماكن .. لكن هي بصراحة باردة .. جامدة مافيها روح .. وهتفهمو قصدي لما اكمل معاكم الرحلة وتشوفو المدن التانيه :)

خلصت اللفة .. وكنا ميتين تعب .. بس نزلنا من الباص الدنيا ليل .. دورنا على اقرب مطعم .. وكان في صيني الحمدلله .. اي شي بس مو مطعم اسباني 😜😜

بعدها صحبتنا الحلوة اقترحت علينا انها لازم تذوقنا اشهر حلا عندهم الي اسمه تشوروز .. الي هو طرمبه بس طويلة ونغطسها في شكولاته .. واخذتنا على محل مررره معروف وقدييييم بس حارة صغيرة ..