البسي ملون وكوني نفسك...



Kaleidoscope Colour Survey..

 نتائج بحث عن الالوان الاكثر اختيارا من قبل السيدات في ملابسهن!! 

موضوع اليوم شوية مختلف..

وانا بدور على النت عن ازياء الخريف 2013-2014

لقيت الموضوع دا وحسيت انها حقيقة..

طبيعي اننا في الخليج مختلفين شوية لانه بطبيعة حالنا بنلبس العباية وعادتا ما بتكون سوداء.. فبنحب نلون في ملابسنا كتير...

بس جدا ملاحظ ربط الغوامق والملابس السادة بالثقة في النفس والاحساس المزمن ان يطلع شكلي احلى وانحف في الاسود!

فقلت خلينا نستفيد هيا بالانجليزي وتحتها الترجمة.. حاولت اترجم لاقرب شي ممكن :)

اتمنى تكون مفيدة للجميع..

 ايش الاشياء الموجوده في دولابك؟؟

بتخجلي لما تلبسي ملابس ملونة؟؟

73% من السيدات اكتر من نص دولابهم من اللون الاسود او الرمادي

 في حين 14% فقط الى 50% من دولابهم ملابس ملونة

هل هو بسبب العمر؟؟

54% من السيدات بطلو يلبسو ملون بعد ما عدو الخمسين!

و 26% من السيدات من العشرينات صارو يميلو للاسود ووقفو الالوان بشكل كبير

69% من السيدات قالو ان الاسود والالوان الحيادية (الرمادي والبيج والكريمي) بتحسسهم بثقة اكبر في نفسهم

في المقابل 78% من السيدات تفضل انها تشوف الملابس الملونة على السيدات التانين

ولكن!!

60% من السيدات بيلبسو ملون في الاجازات والمناسبات الخاصة والاعياد وعلى البحر 

وبالرغم من ذلك 91% من السيدات عادتا ما يختاروا لون فاتح ويكون اللون المفضل لديهم!

وفي الرسم البياني موضح الاتي:

44% يحبو يلبسو شي اسود والقطعة الي فوق تكون ابيض

38% يحبو الالوان الحيادية.. ( من الرمادي والبيج والكريمي)

18% اختارو الملابس الملونة هي الافضل بالنسبه ليهم

نيجي للزبده :)

اهم 3 اسباب بتأثر على قرار اختيار لون الملابس:

1- اختيار الالوان الي هتزبط جسمك وتبينه متناسق

2- اختيار القطع الي هتعكس شخصيتك

3- اختيار قطع تتماشى مع الالوان الي في الدولاب عندك

العبارة الي بالالوان في الاخير.. جدا مهمه..

يقلك يمكن نحتاج شوية ثقة في النفس بالأشياء الي بنلبسها..

بعد كل دا  ال 78% ما ينفع يكونوا غلطانين اذا الملابس الملونة بتطلع حلوة على السيدات التانين يصير الفرصه موجوده انها تكون عليكي انت كمان حلوة

معلومة اخيرة...

89% من الازواج .. يحبو يشوفوا زوجاتهم بملابس ملونة :)

ن

Leave a Comment الموضة