اهلين :))
حابة اليوم اتكلم عن موضوع كان دايما يشغل بالي!
ايش هيا صلاحية المايك اب؟ متى يخلص؟؟
عادتا واول شي يخطر على بالي ادور على تاريخ الانتهاء اذا مكتوب او مطبوع عليه! اذا ما لقيت تلاقيني على طول اشم ريحته! او اشوف قوامه اذا اتغير او ريحته اتغيرت على طول مع السلامة .. حتى لو فعليا ما انتهت صلاحيته..
بعدين سمعت كتير على النت ومن اليوتيوب ان الماسكرا تنتهي صلاحيتها بعد 3 شهور من يوم ما فتحها عشان بيدخل فيها الهوا والبكتيريا وبتنشف اصلا!
قلت طيب وبقيت الاشياء؟؟ الفوانديشن؟ متى بيخلص؟؟ والارواج؟؟
قلت خلاص لازم ادور على النت واكيد هلاقي الاجابة الكاملة..
وفعلا ولقيت شرح تفصيلي لكل نوع من المنتجات.. بالشهور وبالسنوات
وهضفلكم هنا الجداول الي لقيتها وكل صورة هتكون مكتوبة عليها المصدر من أي موقع.. حاولت على قد ما اقدر اجيب من مواقع مشهورة وموثوق فيها...
اول صورة .. بصراحة حسيت مبالغ فيها !! لانو كدا ما حللنا المنتج وراح نرمية قبل لا نخلص نصه!
هنا الصفحة الي مكتوب فيها كل المعلومات بالتفصيل بس بالانجليزي
سوت حركة مرة حلوة.. جبت استكرات صغيرة وصارت تلصقها على كل منتج تفتحو تفكر نفسها متى هتنتهي صلاحيته عشان تستخدمه قبل لا ينتهي وعشان كمان تنتبه لنفسها .. ولا تنساه وتستخدمه بعدها بفترة طويلة ويصير معاها حساسيه..
كمان تقدرو تنزلو الصورة وتطبعوها من هذا الرابط:
نيجي نشوف ايش كاتبه:
العيون :
المسكارا 3 شهور
الايلينر السائل من 3 الى 6 شهور
الايلينر القلم (غير سائل) 12 شهر
الايشادو - ظلال العيون من 6 الى 12 شهر
الشفايف:
بتقول أي شي بينحط على الشفايف سواء ارواج ولا جلوس ولا اقلام تحديد 12 شهر صلاحيتها
الاساس:
الفاوندايشن من 6 الى 12 شهر
الكونسيلر من 6 الى 8 اشهر
الخدود:
البلاشر البودرة 12 شهر
البلاشر الكريمي من 6 الى 12 شهر
نيجي لخبراء تانين .. وبصراحة حسيتهم اعقل.. من حيث المدة!
الصورة الي تحت من موقع
الصور موضحة كل منتج عبارة عن ايش واذا زاد الرقم عن 2 يصير بالشهور لكن لو كان 1 او 2 يصير بالسنة!
رأي تاني لموقع مختلف بالنفس طريقة العرض..
وكمان للحابة تقرأ بالتفصيل عن الموضوع ممكن ترجع للرابط: http://www.allure.com/beauty-products/2010/how_to_know_when_your_beauty_products_expire#slide=1
نجي لشي اتكلمو عنه وسهل وتقدري تتنبهيله!
ان اغلب العبوات بيكون مكتوب عليها احتمال انتهاء المنتج!
وغالبا يقصدوا من وقت ما تفتحيه ويتعرض للهواء وتبدأ تستخدميه!
هتلاقي دي العلامة الصغيرة في الصورة الي فوق ومكتوب جوتها رقم وجنبو حرف M ودا معناه شهر .. يعني موضح في الصورة الي تحت ممكن تلاقي 6 شهور او 12 او حتى 18 او 24 يعني سنتين..
اتمنى تكونوا استفادتوا من الموضوع :)
ن
0 comments:
Post a Comment