مشترياتي من صيدلية بوتس .. Simple

اهلين يا حلوين .. :)

من زمااان ما كتبت .. لاني انشغلت وسافرت واتاخرت ورجعت الحمدلله ..

اليوم موضوعنا عن منتجات قرأت عنها ريفيوهات كتيررر واغلب ال beauty gurus استخدمو بعضها وصاروا ما يستغنوا عنها ابدا..

الشي الي حابه اوضحة انو طلبت من صحبتي تجيبلي هيا من لندن .. بصراحة ما اعرف اذا متوفرة في بوتس في السعودية ولا لا

هحطلكم الرابط لكل منتج ..

اعذروني الصور مايلة شوية.. والبرنامج الي ازبط بيه الصور مو راضي يفتح:(

ابدأ باول شي كنت متحمسة عليه جدااا

هذا الاختراع الجميل عبارة عن غسول مرطب .. انا بشرتي غريبة شوية مختلطة وفي نفس الوقت جافة.. حتى في الاماكن الي تكون المفروض دهنيه ساعات تجف!!

دورت كتيررر على غسول يناسب بشرتي كل واحد كنت استخدمه الاقي فيه مشكلة.. يا اما ريحته او تفاعله مع وجهي مو تمام او سعره مره غالي..

فقلت خليني اجرب دا واهم شي فيه انو خالي من الصابون تماما..

ثاني شي كنت متحمسة عليه جدا.. التونر.. للاسف ما لقيت كان مخلص بس جابتني الحجم الصغير وفعلا كان ممتاز ..

دائما احب الاحجام الصغيرة في 3 حالات:

الاولى عشان لما اسافر

الثانية لما اكون ابغى اجرب شي جديد

الثالثة عشان ما اطفش.. يعني دايما لما اروح اشتري كريم للجسم مثلا من bath & body  احب اشتري مجموعه من الاحجام الصغيرة واذا في ريحة كريم مرة عجبتني اشتري الحجم الكبير..

وكانت نفس المشكلة في الاحجام الصغيرة لقيت الكريم المرطب والتونر وما لقيت الغسول :(

صديقتي الجميلة فكرت ايش تجيب اقرب شي مكان التونر فجابتلي cleansing lotion

شي جديد ما قد جربته قبل كدا

بس اكيد هسوي فريفيو كامل عن المجموعه..

نيجي للكريم

انا بما انه بشرتي ما افهملها.. فقررت اجيب كريم مرطب جدا ولكن خفيف..

واخر شي .. ودا شي سمعت عنه اكثر من الللازم مزيل مكياج العيون.. واكتر شي سمعت انه يميزة انه فعلا سريع ما يتعبك ويطيحلك نص رموشك وكمان خفيف جدا ..

كان في رول العيون.. واعطيته ماما وجدا عجبها وهو موجود في صور الانستجررام.. ايش ميزته كاتبين عليه انو ينور عيونك لو كان شكلها نايمة.. بس بصراحة لاحظت انه بس يبرد تحت العين عشان تعرفو كيف جونا الجميل :)

هذا الرابط للحابة تشوف المجموعة كلها بالاسعار ..

http://www.boots.com/en/Simple/Simple-skin-care/

ن

Leave a Comment الجمال