رحلتي الى البحرين

اهلين :))

حابة اتكلم اليوم عن رحلتي الى البحرين وكانت اول مرة ازور فيها البحرين وان شاء الله ماراح تكون الاخيرة..

البحرين مره هاديه وصغيرة واهلها تعاملهم جدا لطيف :)

البلد بصراحة رايقة وعندهم كل شي زي عندنا بس على اصغر وطبعا الزحمة اقل بكتيررررر

رحنا بالطيارة على مطار المنامة لانه كانت فترة عيد واذا نزلنا على الدمام ورحنا عن طريق الجسر هنقعد اقل شي 4 ساعات!

انا بصراحة جلست في بيت صحبتي وماما واخويا جلسو في الفندق.. ما عندي صور للفندق الي نزلو فيه ..

 كانت مدة السفرة تقريبا 5 ايام بعد العيد مباشرة ..

نبدأ من ساعة الوصل..

المطار صغير ومرة كتكوت .. لدرجة ان في اماكن كتير مفروشة بالموكيت ..

طلعنا بسرعة ومرة الحمدلله ما كان في زحمة :)

اهلي راحو على الفندق .. حطو شنطهم اخدناهم انا وصحبتي ورحنا على امواج ..

امواج مكان زي الخور فيه كفيهات ومطاعم .. وشوية محلات .. جميل وجي على حرف U  في ممرات للتمشية وممرات للاطفال عشان يلعبو بدرجاتهم..

ما عرفت اصور صور واضحة فهوريكم صور من النت ..

ودي صورتي الليلية ..

المهم .. قعدو في مطعم اسمو Verand

صراحة ما جلست لاني اكتشفت مكان ... :)))))) مرة كنت احتاجه وهربت عليه .. هعمل عنو fulll review  ان شاء الله

هما انبسطو واكلو كمان ..

المنظر الي اشوفو لما افتح عيوني ..

تاني يوم اتفقنا نروح نتغدا في Johnny Rockets   الي في العالي مول ..

نفس الي في دبي .. ما يختلف شي

طبعا انا ما احب البرجر ولا اللحم اصلا.. بس بناء على رغبتهم رحت معاهم .. فطلبت الميني برجر  وتقريبا اكلت واحد كل 4 ساعات .. عجبني بصراحة  :)

الجزء المحمس :)))

الجلسة كانت لطيفة .. كان نفسي اجرب الميلك شيك حقهم الي بالفراولة بس بصراحة ما كنت ابغى اثقل .. عشان الجزء الجي احمس شي !!!

كان نفسي ادخل المول بس كنا مستعجليييين :)

نيجي لاحلى شي في الرحلة ...

KARTINGGGG

بطاقة التسجيل

اكتر موية حبيتها هناك :)

محل الهدايا 

كانت تجربة جميلة.. واكيد راح اكررها بأذن الله..

الايام الي بعدها رحنا اشهر 3 مولات في البحرين ..

الاقدم وهو السيف ..

طيب لازم اقول اني دخلت من باب مارك ان سبنسر !!

ونفسيتي تعبت :( على اليسار...

وعلى اليمين ...

وبعد ما اخدت الصور لقيت ماما يلا.. ومعصبة ولا مداني اشتري شي :(

اتمشينا في السوق بس الغرض الاساسي كان السنيما لانها رايقه وهادية ..

واخيرا اشتريت شي :))

واخيرا دخلت بوتسسس :)

الى ان وصلنا الى السنيما :)

دخلت فيلم كرتون .. Despicable me 2 :))

عجبني بصراحة وانصحكم تشوفوه!

في طريق الخروج من المول شفت اشياء عجبتني الي لحقت اصورو..

بعدها خرجنا لاننا كنا معزومين على الغدااا ..

اليوم الي بعدو ..

سيتي سنتر مول

اتغدينا في .. P.F. Chang's

كانت اول مرة اجربه ومرررة عجبني :)

بعدها قرروا يروحو يحلو في وافي ..

وافي نسخة من قوديز الي في جده!

بصراحة ما حسيت باي شي مميز لانه ما يختلف عن ستايل ولا منيو قوديز .. بس فيه جلسة بره حلوة ..

بعدها خرجنا ورحنا العدلية من اجمل الاحياء عندهم .. ولكن! مررة كنت نعسانه وما كان فيا اصور :( 

وخلص يومنا

اليوم الي بعده ..

رحنا الصباح المحرررق ودي ليها تدوينه لحالها ..

وبعدها رحنا للعالي مول ..

مول راقي وجميل ..

برة مجموعة مطاعم

من الداخل ..

بوتيك للملابس والاكسسوارات ..

رايق وراقي جدا :)

المنظر الخارجي المطل على المطاعم

المطعم الي قررنا نقعد فيه .. ليه رفيو خاص ان شاء الله :)

تاني يوم الصباح رحت السوبر ماركت ! ودا شي اساسي لاي بلد اسافرها .. وبعدها طلعنا على المطار ورجعنا لجدة الحبيبة :)

ن

Leave a Comment السفر