تقيمي لمطعم ليلو - البحرين .. Lilou's Resturant

اهلين :))

اسفه على التاخير.. كان عندي مشكلة في ضرسي والحمدلله اخيرا بدأت اتماثل للشفاء :)

ابغى اكمل معاكم رحلة البحرين ! اخر شي في الرحلة كان دا المطعم الجميل...

اليوم الي قبل السفر في الليل رحنا العالي مول .. وقعدنا فيه! وماما مررة عجبها وقامت تقول لصحبتي ليش ما جبتينا هنا من اول يوم؟؟

المكان رايق وماهو حق شباب صغار كل الي فيه اعمارهم متوسطة .. وطبعاااا الز جاتو وحلويات  (قلوب من هنا الى البحرين)

نبدأ بالساحة الخارجية:)

بعد كدا المحل من الداخل ..

عموما جلسنا في الجلسات الي برة عشان الجو كان رااائع ..

اهم جزء الحلا!

رحنا اخترنا من التلاجة .. وسالناهم ايش اكثر شي  بينطلب اقترحو عليا دي الاشياء

هدا الشي الخرافي عبارة عن ريدفيلفت تشيز كيك.. اتعب اقول قاتل!

هدا كان توشكليت موس :)))

اكلير الشهير.. بالكراميل وعليه طبقه دهبي ..

طبعا انبهرنا بالمكان.. وعشان كدا  قررنا تاني يوم نصحى بدري ونروح الفرع التاني قبل موعد الطياره :)

الفرع التاني اروق كمان لانه مكان منفصل ماهو في مول ...

المنطقة اصلا رايقه وراقيه اسمها المعالي ..

طبعا صور الصباح اجمل...  وجلسنا كمان في الجلسات الخارجية بس قلت خليني ادخل اصور مع نور الصباح..

استغربت من شي .. اللوحة مكتوب علهيا Lido!!

نيجي للطلبات :)

ما قدرت اقاوم وما اطلب دا الشي القاتل تاني..

الخدمة جدا ممتازة .. والمكان نضيف وراقي بس دائما زحمة ودائما كل الكيك والكرواسون يخلص من بدري..

اسعار الجاتو في حدود 20 الى 30 للقطعة ( من جد تستاهل)  واسعار الاكل عادي زي كافيهات جده تقريبا :)

انصحكم بشده تزوروه وابدا لا تفوتو الحلا فيه وجربوه في الفرع الاقرب ليكم ..

العنوان  في فرع العادلية..

Address: Adliya, Manama, Bahrain

Phone:+973 1771 4440 

ن

Leave a Comment السفر, المطاعم