تجربتي في Polished - البحرين

اهلين يا جميلات..

اليوم هتكلم عن مكان قلتلكم عليه في اخر بوست ليا ..

احساسي دحين وانا بكتب عبارة عن .. ابغى اكون هناك وانا قاعدة اكتب البوست عشان من جد استرخيت واستمتعت جدااا :)

المحل اسمو Polished

وواضح من الاسم انو ليه علاقه بالأظافر او المنكير ..

وانا قاعدة في امواج اتمشى مع اهلي فجأة صادفت دا المحل وانا اصلا كنت احتاج اسوي بدكير بشكل طارئ!

دخلت المحل سألتهم كام تاخدو وقت عشان تسولي بدكير قالولي 45 دقيقة قلتلهم حلو :)

نزلت تحت اهلي قعدو في Veranda وانا طلعت على فوق عشان استجم..

بصراحة ما ابغى اتكلم كتير لان الصور تغني ..

شكل المحل من برة.. تحسي انو مرة صغير ..

لما تدخلي في مكان انتظار..

أي شيء معروض من المنتجات في مكان الانتظار هو للبيع

اكيد المكان بالنهار اجمل..

نيجي ندخل المكان الجميل .. المريح :)

كراسي للبدكير..

اختاري السكرب الي يعجبك واحلاهم بالشكولاته :)

اختاري المنكير الي يعجبك :)

هنا المنكيرات الجل .. تقعد معاكي لمدة اسبوعين .. وطبعا تدفعي عليها زياده

المكان الي تسوي فيه رسم الاظافر..

ادوات الرسم ..

يجربواا هنا الاشكال وتختاري ..

طيب دي جولة سريعة في المحل .. خليني ابدأ بدكير :)

اشرتلي على الكرسي..

جلست وبدأت اتابعها..

احب اقلكم قبل لا اقرر اسوي عندهم طلبت منهم يوروني كل الادوات .. وطريقة التعقيم واتأكدت من كل شي ...

جات وحده سالتني ايش تحبي تشربي قلتلها شاي اخضر..

المكان مريح قعدت حوالي 45 دقيقة..

اصور واستمتع بالروقان لاني كنت لحالي وكان يوم وصولي للبحرين ومن الصباح سفر وتعب .. من جد روقت

كانت تجربتي فيه اكثر من رائعه :)) واكيد راح اكررها بس اروح على البحرين واسعارهم جداااا ممتازة في ب 50 ريال بدون سكرب وبالسكرب ومساج ب 70 ريال (البدكير لحاله)

وعندهم حركة جميلة تعطيكي كرت وتطبعلك عليه كل مرة تسوي فيها شي عندهم .. والمرة السابعه تكون مجانا :)

الموقع..

http://polishednailspa.me/

رقم التليفون: 13660660

تويتر: PolishedBH@

ن

Leave a Comment السفر