رحلتي الى المدينة المنورة

اهلين يا جميلات :))

اليوم هتكلم عن رحلتي  الى  طيبة ..

الراحة النفسية .. السكينة .. السلام الداخلي :)

بما اننا طلعنا اجازة نهاية الاسبوع الماضي.. الجو كان رائع  والزحمة متوسطة..

اول شي .. سافرنا بالطيارة .. المدة كانت حوالي 50 دقيقة .. بس فيها مطبات هوائية شي مو مريح بس الحمدلله دي المرة كانت بسيطة:)

نزلنا في فندق المدينة اوبروي ..

تقيمي:

المميزات..

1- امام باب عثمان بن عفان .. مدخل السيدات

ما ياخد 3 دقائق مشي وتوصلي للباب..

2- الخدمة.. الخدمة .. الخدمة افضل من رائعه ..

بصراحة في حياتي ما رحت فندق داخل المملكة وشفت خدمه زيهم .. حبوبين ولطاف وكلهم مبتسمين واهم شي رضاء النزيل..

3- مساحة الغرف مريحة نسبيا ونضيفة ..

العيوب..

بصراحة مافي شي ما عجبني عندهم .. بس الفندق نفسه قديم .. وعدد المصاعد اقل من الفنادق الجديدة..

خلينا نشوف الصور ..

اللوبي ..

المصعد والممرات ..

غرفة النوم ..

واهم شي طبعا انها تطل على الحرم :)

الحمام ..

مطعم الانصار ..

مطعم الاندلس ..

اجمل ما فيه انه مطل على الحرم ...

كافيه .. بيت الشاي

الروقاااان ... وجلسة العصر مع ماما اخواتي .. القهوة التركي رائعه والميلفي راااائع الباقي كان عادي!

نيجي لاجمل جزئ في الرحلة صور الحرم ...

للامانة الصور كلها بدون أي تعديلات ..

اجمل واروع احساس حسيته في حياتي ..

وقت الغروب مع الاذان .. والوان السماء ..والهوا البارد .. اتمنيت الزمن يوقف ..

بعد الصلاة ..

الروضة الشريفة ..

الساحة ..

واكيد ما هنسا السبح :)

في مكان كل صحبات البلوقرزز الجميلات رشحولي هوا وقالولي لازم تروحي وتجربي البيتفور والايسكريم .. ومع اختلاف الاراء حول الطعم وايش الاطعم :) رحت وكان من جد لزيز :))

البرديسي ..

المحل كان زحمةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةة

وقفت نص ساعة في الطابور الين جا دوري ..

ترا الاهم من الطعم الريحة .. انا مرررة شبعت لاني كنت شامة ريحة البتيفور  :)

سبحان الله المحل فيه كل الحلويات والكيكات والزحمة بس على الآيسكريم والبتفور ..

بعد كدا اخويا اصر يروح يشتري من محل !! او بالاحرى كشك اسمو شيحة ...

ودعنا الحرم بعد صلاة الضهر يوم السبت .. ورحنا على مسجد قباء ..

اكيد لازم النعناع قبل السفر ..

ورجعنا البيت :)

ويفضل قلبي متعلق بالمدينة .. و روحانيات المدينة ..

اللهم صلي وسلم على محمد وعلى اله وصحبه وسلم ..

ن

Leave a Comment السفر