تجربة ورشة عمل المكياج مع نيلو

اهلين :)

اليوم حابة اتكلم عن تجربتي مع نيلو خبيرة المكياج .. وكيف كانت ورشة العمل..

 عرفت عن الورشة بالصدفة عن طريق وحدة صحبتي .. وهما نزلوها على الفايس بوك وكمان على موقعهم..

طيب نتكلم شوية عن نيلو..

نيلو انسانه جدا حبوبة باكستانية عاشت طول حياتها في كندا واشتغلت فترة طويلة في ماك .. الين صارت تدرب الموظفات .. اتزوجت وجات على جدة.. وجاتها فكرة تسوي بلوق وتسميها ..   Jeddah Beauty

 

هنا الموقع:

http://www.jeddahbeauty.com/

مع الوقت .. كبرت المدونة واتحولت الى موقع .. وانضم معاها فريق متكامل .. فاشن وصحة ورياضة  وغير .. :)

حابين تعرفو مين بيكتب في الموقع وبيتكلم عن ايش ..

http://www.jeddahbeauty.com/aboutus/

خلينا نتكلم على الدورة ..

في يوم صحبتي ارسلتلي دي الصورة ..

اتحمست اول شي على نيلو شخصيا ..

انا من فترة متابعتها على الانستجرام .. ودائما اشوف المكياج الي تسوية ويعجبني .. وكمان دائما تروح  دبي وتحضر events

تاني شي اتحمستله ان الفترة ماهي طويلة وان الايام في الويك اند..

رحت وسجلت  للمستوى الاول ..ودفعت .. وبعد فترة بدأت الورشة ..

نتكلم عن المكان الي كانت فيه الورشة ..

اسمو Venue  في تجار جدة موقعه ورا مسجد تجار جدة .. (في شارع التحلية مع تقاطع الملك  - امام مركز لو شاتو)

المكان جدا نضيف و مرتب ومهيئ لورش العمل والاجتماعات ..

خلينا نشوف المكان من جوا

المكان مجهز بطريقة  رائعه ..

المفروض ما تجيبي ولا شي معاكي ..

كل طالبة تدخل تلاقي ملزمة فيها محتوى الدورة ..

مراية

طقم فرش سقما معقمة وجاهزة للاسخدام

باليت عشان لو تخلطي عليها ..

قطن .. ومناديل وكمان الوايبس

في طرف الغرفة في علب من كل مكياج ماك يناسب كل درجات البشرة وفي اغلب المنتجات

خلينا نشوف بعض من صفحات الملزمة ..

الملزمة مفيدة ومرة كويس لاي شخص ما عنده أي خبرة عن المكياج او عنده حتى لو بسيطة..

بتتعلمي فيها كل الاساسيات .. وايش نوع بشرتك وايش درجة الفاوندايشن الي تناسبك وكمان بتتعلمي فيها الدمج والكونتور

وبتعلمك لوك نهاري ولوك سموكي ..

وهنا بعض الخطوات الي شرحتلنا هيا تطبيق عملي على وحده من الحضور..

خلينا نقيم الدورة :)

العدد شوية كبير حوالي 25 متدربة .. صح انها بتجاوب على كل الاسئله وصح انها بتغطي كل شي مذكور في الاعلان بس حسيت اني احتاج وقت اطول معاها .. عشان استفيد اكتر على اشياء تخص طبيعة وجهي وبشرتي ..

الورشة بالانجليزي

تكلفتها 1800 ريال

عبارة عن 4 مرات .. 

كل مرة في حدود 3 ساعات واخر مرة كان في محل ماك نفسه field trip  ورتنا المنتجات بنفسها واتكلمت عنها وكيف نختار ووقفت مع كل بنت وساعدتها في اختيار الي بتناسب معاها وكان لينا خصم  20% على كل مشترياتنا ..

كل شي كان متوفر وجاهز .. وابدا ما حسيت انهم نسيو شي

الجو العام كان حماسي :)

كمان في شهادة موقعة من نيلو انك حضرتي الدورة ..

انصح أي وحده ماعندها خلفية او خلفيتها بسيطة عن المكياج .. تشترك في ورشة العمل وان شاء الله راح تسفيد ..

ن

2 comments الجمال