Wet&Wild .. مجموعة مكياج(بلاشر-ارواج-مناكير) من ويت اند وايلد ورأي فيها..

اهلين :)

اليوم راح اكمل المجموعة .. بس عشان لا يكون البوست ممل قسمته على 2

اليوم هتكلم عن باقي المنتجات غير الشادو..

اولا : البلاشرات

هبدأ من اليمين..

1- Mellow Wine

لونه على البشرة..

رأي: اللون جميل .. وجدا مركز .. يتناسب مع البشرة الحنطية او السمرا اكتر .. لانه هيكون مرة قوي على البشرة البيضا..

2- Pearlescent Pink

لونه على البشرة

رأي:

اللون جميل جدا وفيه لمعة شمري مررة جميلة ويناسب كل الاذواق .. ناس كتير اتكلمو انه هو بديل ارخص NARS - Orgasm.. بس انا حسيته مختلف لان لمعته اخف وكمان لونه اغمق شوية..

3- Heather silk

لونه على البشرة

رأي ..

اللون جميل .. ونفس الشي جدا مركز يعني مسحة وحده كفاية وهو اكثر لون على Pink .. حلو للصباح ..

ثانيا:  الارواج

هي الاشهر في دي الماركة.. اشتهرت بالوانها وقوتها وسعرها الرخيص ..

لما جيت طلبت من النت كان اغلب الي كنت ابغاهم مخلصين ماشتريت 3 فقط..

 مميزاتها ..

الوانها جدا قوية مسحة وحده تحسي باللون .. حابة تتقلي عيدي عليه .. مقارنة بسعرها المنتج جيد جدا..

عيوبها ..

العلبة جدا سيئة لان الغطا فيه ميلا كدا كل مرة تيجي تقفلي الروج ممكن يد تخبط في الروج وممكن ينكسر

لازم لازم لازم ترطبي شفايفك قبل لا تحطي لانها مرة تنشف الشفايف ..

من اليمين ..

1- In The Flesh

2-  Coral-ine

3- Rosebud

ثالثا: اخر شي هتكلم عنه مجموعة المناكير ..

رأي:   بصراحة المناكيرات جودتها ضعيفة .. بس ماهي سيئة .. بس الالوان الفاتحة تحتاجي تعيدي على اللون مرتين او 3 حسب تركيز درجة اللون الي تبغيها .. وطبعا ماهيجلس اكتر من يومين و ما يتقشر شوية .. بس عموما على سعرها مرة حلوة .. وخصوصا لو انك تحبي تجربي الوان كتير ...

من اليمين ..

1- Eggplant Forest

2- Lavender Pearlescent

3- Sparked

4- Bijou Blue

5- Tickled Pink

6-  Kaleidoscope

احب بس اتكلم عن سعر المنتجات .. كلها ما بين 2 دولار الى 4 دولار ما تزيد عندا..

تلاقوها في

www.drugstore.com

ن

1 comment الجمال