رأي في مجموعة ارواج تارت

اهلين ..

اليوم موضوعي بسيط وخفيف ..

بس حبيت اشاركم رأي في مجموعة ارواج تارت

نتكلم شوية عن شركة تارت..

هي شركة امريكية للمكياج .. بس مبدأها ان المكياج ممكن يكون طبيعي باكبر شكل ممكن ويكون في نفس الوقت حلو وجودته كويسه..

وفعلا ! جودتهم ممتازة وعندهم بعض منتجاتهم دائما من التوب 10 عند اغلب ال Beauty Gurus :)

هنا الموقع لو حابة تشوفي منتجاتهم ..

http://tartecosmetics.com/

نيجي نتكلم على مجموعة الارواج

هي مجموعة من 8 ارواج .. مقاسها صغير وفكرتها انها مخفضة وفي نفس الوقت  تجمع اكتر من لون ونوع عشان الي مرة يعجبك تقدري تشتري منه الحجم الكبير..

كان سعرها في حدود من 35 الى 39 دولار ..

طيب نشوف المجموعة..

في اربع ارواج نوع matte  واربعة تانين tints

نبدأ بال مات ..

1- Cheerful

 2- Glee

3-  Destined

اكتر لون عجبني  من المجموعة ال matte

4- Generous

الاربعة ال  Tints

1- Lovely

2- Grateful

3-   Enamored

ودا اكتر لون عجبني في ال Tints

4- Believe

نجي لالوانهم على البشرة

الصف الاول   Tints

 الصف الثاني Matte

رأي في المجموعة..

اول شي لاحظته اول ما فكيت الكرتونة .. ريحة النعناع مرة قوية .. بس اول ما تبدأي تستخدميهم الريحة تخف ..

بصراحة وعلى غير العادة عجبوني ال tints اكثر .. وملمسهم رائع ولونهم جدا طبيعي..

النوع ال matte  ملمسهم جدا حلو على الشفايف ومرة ما ينشفها .. ولكن مرة خفيفة ولازم تحطي كذا طبقة ..

في النهاية عجبتني فكرة الاحجام الصغيرة عشان انا اطفش بسرعة من الالوان .. وكمان عشان اقدر اجرب الوان اكثر وكمان عملين للشنطة لو كانت صغيرة..

خلينا نشوف الفرق بين الحجم العادي .. والحجم الصغير ..

غالبا هرجع اشتري ..  Destined  ان شاء الله ..

طبعا دا تقيم اولي .. من اسبوع بدأت استخدهم .. وبعد فترة اكيد هرجع اتكلم عنهم  :)

ن

Leave a Comment الجمال