رحلة دبي .. تقيمي لفندق رمادا داون تاون - . Ramda Downtown

اهلين يا جميلات ..

وسافرت دبي .. في اكثر اسبوع زحمة .. اجازة بين الترمين وكمان مهرجان التسوق.. ولكن ! اجمل جو لدبي ولا يفوت احد الجو في شهر يناير :)

بصراحة ماني عارفه من فين ابدأ ومن فين انتهي .. ماهي اول زيارة ليا لدبي.. بس كل مرة تكون غير ..

خليني ابدأ بتقيمي للفندق الي نزلنا فيه .. وليش اخترته وهل هرجعله ولا لاه؟

رامادا داون تاون 15 دقيقة مشي الى دبي مول او 5 دقايق بالتاكسي :)

اخترناه عشان بيطل على النافورة .. وقريب من دبي مول وكمان في منطقة البوليفارد فيها مطاعم وتمشية حلوة ..

الفندق كموقع اكثر من رائع !

الخدمة فيه جدا ممتازة..

النضافة مرة كويسه ..

اسعاره على الموقع والخدمه كمان ممتازة ..

انا مرة عجبني واكيد راح انزل فيه ثاني ..

العيب الي ما عجبني فيه .. (بالاحرى صدمني) هما لكل غرفة بطانيتين  اكسترا واذا طلبت اكثر ! تدفع 50 درهم في الليله!!

انا من الناس الي احب انام على شي قاسي .. وهما سريرهم مرررة لين .. دا الشي الثاتي الي ماعحبني غير كدا كل شيء اكثر من رائع :)

حابه تعرفي اكثر :

 http://www.ramadadowntowndubai.com/en/

اللوبي .. صغير ومرتب

يباشروكي بقهوة وتمر اول ما تدخلي ..

كنا حاجزين عن طريق النت .. ما اتأخرنا وعلى طول سوينا تشيك ان !

ممر المصعد

المصعد من الداخل

اخذنا غرفة 1305

مطلة على النافورة ..

الغرفة ..

النافورة  بالنهار من البلكونه ..

لما نطل على تحت هنلاقي المسبح ..

النافورة في الليل من البلكونه :))

المطعم ..

الفرد ب 75 ريال للفطور او الغداء

الاكل ..

الجلسات الداخليه ...

الجلسات الخارجية

المسبح ومكان للاطفال ..

من الحديقة على البرج ودبي مول ..

ن

Leave a Comment السفر