galeries lafayette .. رحلة باريس .. مشترياتي من جالري لافيت

اهلين :)

اليوم مكملة معاكم رحلة باريس بس اليوم مشتريات .. للاسف لم اقاوم نفسي كثيرا!! بصراحة اذا دخلتو دا المكان ما هتتحملو ما تشترو شي!!

للاسف تصويري للمكان ما كان حلو .. مرة كان زحمة وكمان بالجوال وكنت بالحرف بجري ورا ماما من كورنر لكورنر ومن محل لمحل!! ترا ماما مدمنة شوبينج اكثر مني بمراحل!!

وقفت هناك :)) حسيت بالسعادة والروقان!!

نيجي للمشتروات البسيطة ..

اولا شنطة لمتد اديشن خاصة بباريس من لونج شامب

شنطة من سلين

احترت كثيررررررر وفي الاخير اخترت دا الموديل واللون بصراحة لاني اكتشفت ان عندي ادمان جديد اسمه الرمادي والرصاصي!!

نوعها: Trapeze Handbag

عبارة عن لونين .. بس لاني اخذت الدرجتين قريبة من بعض مو مرة مبين .. رمادي والدرجة الثانية بيج رمادي..

 اخر شي عطر اغرمت فيه من جو مالون..

اسمها:

peony & blush suede

 راااااائعه انصح أي انسانة  تشتريها .. ترا ماهي من النوع  الي مرة ريحتها ورود ولا من النوع الي مرة عطرية لا شي كدا جدا جميل ومريح :)))

في شارع خلف لافيت جميل.. كله مطاعم وكافيهات وجلسات حلوة واكل لزيززززز :)))

وبكدا انتهت مشترياتي من باريس .. بالاضافة للشكولاته الي حسيت مرة مالو داعي :))

ن

2 comments السفر, الموضة