Lasagrada Hotel.. رحلة تركيا .. فندق لازاجرادا اسطنبول

اهلين :)

كل عام وانتم بخير وصحة وسلامة وسعادة :))

بالصراحة اترددت اكتب عن  رحلتي حقت اسطنبول في رمضان ولا بعدها .. بس حسيت ان في ناس كتير ناوية او بتفكر تسافر بعد العيد على تركيا قلت ممكن احد يستفيد من التدوينات اكتبها قبل العيد افضل ..

قبل أي شي حابة اقول ان انا دوبي راجعة من 10 ايام تقريبا وهادي رابع سنة على التوالي .. اعشق اسطنبول واحس بجد اقدر اعيش فيها واستقر كمان :)

طيب خلينا نبدأ ...كالعادة اول بوست يكون عن الفندق :)

هتكلم عن الفندق الي نزلنا فيه دي المرة لانه الي قبل كدا ما كان في مدونة وما كنت اصور اصلا الفنادق .. بس اتذكر السنة الماضية كان الهولداي ان الي في عثمان باي ..

طيب ليش غيرنا؟؟

بالصراحة لانه مررررررة زحمة وكله خليجين وما تحسي نفسك بره السعودية ..

الي اخترته دي السنة كان جداااا رايق صح ماهو معروف لكن هو 5 نجوم وموقعه مره جيد لانه على عثمان باي وكمان خطوتين من نيشان تيشا

هنا موقعهم :

http://www.lasagradahotel.com/default.asp?LanguageID=2

خلي الصور تتكلم عن المكان ..

المدخل..

المصعد..

الغرفة كانت في الدور السادس..

الغرفة ...

اتعب اقول جميلة ومريحة واسعه وكمان مطلة على الشارع واضاءتها ممتازة !

مسوين حركة حلوة .. اذا تبغي شرشف السرير يتغير مع تنظيف الغرفة .. تتركي الكرت دا على السرير ..

نيجي للحمام ..

عندهم سبا ومسبح  في الدور الارضي .. ما مداني  ادلع نفسي من كتر الجري في الاسواق للاسف ,, بس اخويا جرب حمامهم التركي ومرررة عجبه ..

مرررة عجبني الفندق .. خدمة العملاء عندهم خرافيه .. بالصراحة ما ابغى اظلم الاتراك بس ترا عموما هما شعب ما يحبو يتعاملو مع الاجانب وعصبين .. بجد الموظفين في دا الفندق كأنهم مستوردين من خارج تركيا .. انواع اللطافة والابتسامة والخدمه الفورية شي مختلف عن التعامل التركي لانهم مو نايس .. لا اكسترا نايس ..

الفندق كا موقع ممتاز اذا تبغي شي قريب من كل شي وما همك الفيو ..

النظافة ممتازة .. وكمان اسعارهم جدا معقولة ..

اكيد هحب ارجع لهم تاني ..

ن

6 comments السفر