.. رحلة باريس .. المطاعم

اهلين :)

اليوم اخر بوست عن باريس :(

وقررت تكون كلها اكل في اكل ..

طيب ابغى في الاول اقول شي .. انا عادتا لما اسافر ما افكر في الاكل ابداااا وخصوصا لما اكون مسافرة اوربا ومن طبعي مو مرة مع اللحم والدجاج واركز اكثر شي على الشكولاتات طبعا! وكمان الاجبااااان :))

في ايام كثير كنت امشي حالي واكل بيتزا بالخضار اوالجبنة او حتى اكل سالمون .. بس في مرتين خرجت انا وبابا وماما اتعشينا برة وما ينفع طبعا معاهم الجو الي انا فيه!

في دا البوست هتكلم عن مطعمين رحناهم واحد اكلة لبناني اسمه نورا والثاني اكله مغربي وجزائري اسمه تيمجاد..

خلينا نبدأ بالمطعم اللبناني نورا :)) واجمل شيء انو على اسمي !!

للاسف ما كانت معايا الكميرا كنت مرررة تعبانة وما كان فيا اصور ولكن قدرت اخد كم صورة بالجوال:)

المحل مرررة كان زحمة .. والجو كان جميل قررنا نجلس برة..

الاكل مرررة لزيز والحجم الصحن مرة مناسب لان بالعادة الفرنسيين حجم وجبتهم مرررة صغير ..

اعشق الايران .. بس حق تركيا اكيد احلا..

الاكل كان رائع والحلا والجلسه والخدمة اروع  والمطعم عندهم 11 فرع .. احنا رحنا الي قريب من الشانزليزيه ..

اكيد لو جلسنا اكثر كنا كررنا الزيارة:)

نيجي للمطعم الثاني الي ديكوراته متعوب عليها  انا مو مرة صحبه من الاكل المغربي بس احب اجرب أي شي جديد ..

تيمجاد..

نبدأ في الاكل !!

اول شي مرة عجبني دا الشي الكتكوت .. عصارة ليمون بس شكلها كانها عصفور :)

حريرة ... اممممممممم كانت جدا رائعه

سلطة مغربي

بالصراحة ماني متذكرة ايش طلبنا بالتحديد ..

بس كان كسكسي وطاجين .. في شي طاجين دجاج بالليمون المخلل وفي طاجين بالزيتون واظن بابا طلب شي باللحم .. الاكل كان مرة لزيز وكمان بهاراته ممتازة..

الحلا عبارة عن باسكت من الحلويات المغربية ..

جربت كذا شي بس حلاه كان زايد شوية وكمان انا مررة كنت شبعانة الحمدلله :)

واكيد لازم الشاي المغربي :)

الجو العام كان جميل .. والخدمة والاكل وكل شي كان حلو :)

ابغى احكيكم على هاجن داز :)))) عالم القلوب

كان موقعه قدام الاوتيل وكل مرة اخرج وارجع اقول ابغى اقعد فيه.. اخدت ماما مرة في الليل ورحنا

الجو كان برررد وجميل ..

طلبت ايس كريم وهوت شوكلت!!

جاني الشكولاته لحالها مركزة والشي الصغير دا مو حليب!! كرييمممممممم ومن جد الطعم كان خرافي!!!!





الي جنبنا  كانو اتراك!

 الشكل النهائي :))

بكدا خلصت معاكم رحلة باريس :))

ن

Leave a Comment السفر, المطاعم