اهلين :)
اليوم هنبدأ رحلة اسبانيا .. واحكيكم عن اول يوم .. تقريبا كان في قطر لانها كانت محطتنا الاولى وجلسنا فيها 6 ساعات ترانزيت .. من قبل لا نسافر اقترحت على اخواني نروح مكان ننبسط فيه ويكون يناسب جميع الاذواق :)
البداية ..
لاننا سافرنا عام 2013 نزلنا المطار القديم مو الجديد الي فيه الدبدوب :)
مررة كان سهل ... ختمنا البسبورات و طلعنا على سوق واقف !
خليني اعطيبكم نبذه عنو ..
سوق واقف من الأماكن التراثية القديمة بالعاصمة القطرية الدوحة ، وقد سمى بذلك الإسم نظرا إلى أن الباعة قديما كانوا يقفون على جانبى الطريق لعرض بضائعهم وبيع منتجاتهم المختلفة مثل البهارات كالكمون والقرفة إلى الأسماك والملابس والأخشاب ..
اوقات العمل .. يوميّا من 10 قبل الظهر حتّى 12 ظهرًا ومن 4 عصراً حتّى 10 مساءً، ويعتبر السوق واحداً من أكثر الأمكنة حيوية في الدوحة وهو يضم عدداً متزايداً من المطاعم التي تقدم الطعام القطريّ التقليديّ
اغلب المطاعم والكافيهات تكون فاتحه الين 1 او 2 المساء
نيجي لتجربتي ..
اول شي مره قريب من المطار (القديم)
ثاني شي كنت مره نفسي اروح المتحف الاسلامي بس للاسف وصلنا متاخر وكان قفل
ثالث شي كان ممكن نروح المرينا بس حسيت ابغى شي من تراث قطر :)
ابدا ما ندمنت المكان مره جميل .. والجو كان حلو .. زحمه صح بس فيه روح وحياه وفيه ناس كثير من اهل البلد ..
لايبقاوم من جد :))
مسوين زي مجسمات صغيرة من الطين مره كتكوته وكون مكتوب عليها المكان ..
عشقي الاشياء الصغيرة ومررة تحمس عندهم اشكال والوان ..
في شرطة هناك نفس الشي حسيت كيوت .. مافي سيارات بي في فزبا :))
هنا لقيت زحمة وكنت احتاج اجلس شوية بعد اللفلفة ..
ودي الانسانه تسوي شي مره لزيز .. زي الكريب كدا بس مرره الذ نحيييف وهششششش وجبنه كرافت :))
رجعنا المطار .. اكثر شي مزعج ما ينادو على الطياره .. لازم تكوني مرررررره مركزه وكل شوية طالعي في الشاشات! ما ادري اذا مطارهم الجديد نفس الشيء او لا
كان وقت جميلللل واكيد قطر حلوة ويبغالها زياره لحالها :)
ن
0 comments:
Post a Comment