Sephora- Urban Decay & benefit / مشترياتي من سيفورا الجزء الثاني - اربين ديكاي و بينفيت

اهلين :)

اليوم مكملة معاكم مشترياتي من سيفورا!

من اربين ديكاي اشتريت الباليت الجميلة فايس 2 وقلت خليني اجرب ارواجهم فجبت لون يليق على أي لون بشره ولون محايد اسمه رش

من بينفيت جبت البورفشينيل  برايمر و مسكرا الحواجب ..

نبدأ بالباليت :)

العلبه جميلة جداااا وفخمة ومرتبة ..  ووزنها خفيف ومرايتها كبيرة وفيها فرشة حلوه وعملية

باليت لجميع المناسبات ومرة كنت احتاجها  عبارة عن 20 لون .. كلها شميري ما عدها.. لونين مات..  الشيمري في منهم متالك ..

نيجي للالوان ..

بالصراحة قبل لا ابدأ كلهم رااااااااائعين ماعدا الاسود الي هو ثاني لون من اول صف على اليسار .. نفس المشكلة احس لون ورشو عليه جلتر وطبعا الاسود مررررة صعب يكون زابط القلتر واللون مع بعض ..

باقي الالوان اكتر من رائعه وفي الدمج وفي الملمس كلها جميلة وكعادة اربين دي كاي :)

نبدأ ..

كل صف في صورة ..

دورت على صور من النت على وحده بشرتها فاتحة وثانية بشرتها سمره وكلهم جميلين ..

من اقوى الالوان في البالت الفضي  المتاليك للمناسبات ولمنطقة مدمع العين

هنا الصف الثاني ..

كلهم اجمل من بعض وتقدري تدمجي كم لون مع بعض ويطلعلك شي جميل .. اكثر لون عجبني الاخير  بويزن

نيجي للصف الثالث

اكتر شي حسيتو ملفت اللون الي في الوسط البنفسجي  اسمه فودو جميلل على العين وخصوصا لوعيونك بني ..

اخر صف والي اكيد أي بنت في الحياه هتعجب فيه لانه فيه لونين مات وباقي الالوان طبيعيه ..

كل لون فيه احلى من الثاني بصراحة:)

ثاني شي من اربين ديكاي..

الروج

العبوة نفسها مرة حلوة وشيك ..

اللون عجبني نود موف nude mauve color

 ملمسه كريمي يعني لا بيلمع ولا مات .. ما يدبق وفي نفس الوقت يرطب الشفايف .. انا مرة ناسبني ويقعد معاكي في حدود الساعتين

هنا اللون على اليد ..

جميييييل ويليق على أي وحدة :)

هنا على الشفايف .. ومن جد ينفع على أي نوع مايك اب واي وقت !

نيجي لبينفيت ...

اكيد كلنا عارفين البرايمر الي مرررة اشتهر .. ومن جد يستاهل بصراحة

اكتر شي يعجبني في بينفيت الوانهم وتغليفهم :))

هنا لونه على بيج بس لما تحطية يصير شفاف ..

يعطيكي ملمس مخملي رااائع قبل أي شي تحطية بس بعد المرطب اذا بشرتك جافة..

هنا اهم الاماكن الي مكن تعيدي عليها عشان بتكون اويلي ..

ثاني شي من بنفيت ..

مسكاراة الحواجب..

في منها درجتين الفاتحة والغامة واكيد اشتريت الاغمق :)

اصلا فكرتها للناس الي ماعندهم حواجب او مرة خفيفة حواجبهم ..

فيها لون وفايبرز .. يعني تعطيكي لون وفي نفس الوقت تعطي احساس ان الحواجب اتعبت كانه شعر حقيقي ..

وفي استخدام ثاني ... اذا حواجبك ماشاء الله سميكة وكثيفة يمديكي ترتبي بيها حواجبك وترسميها مرة سهل وفرشتها جدا هتساعدك ونفس الوقت مع الجل الي فيها هتثبت شكلها :)

 خلصنا لليوم :)

لسه في جزء اخير وان شاء الله هيكون اصغر من الي قبله !

ن

Leave a Comment الجمال