Sephora - Too Faced / مشترياتي من سيفورا الجزء الاول - توفايسد

اهلين :)

اليوم هبدأ معاكم مشترياتي المكياجية :))

هبدأ ب ماركة تو فايسد ..

هي تنزل كل كريسمس بعض المنتجات وتكون لمتيد اديشن ..

انا مرة كنت متحمستلها :)

لعدة اسباب

اول شي اعشق اللون الاخضر في الدمج والشدو وما كان عندي الدرجة الي هتشوفوها تحت :)

الشي الثاني المحمس العلبة نفسها جدا جميلة .. وخفيفة وعملية ونحيفة .. وينقصها مراية بس ابدا ما يهم لانه خفف من وزنها بدون مراية وصارت عملية اكثر! وكل شادو مكتوب الاسم تحته.. وفي لوك نهاري ولوك ليلي موضحين بالخطوات

طيب خلينا نشوف..

2 باليت وماسكارا ..

نبدأ بالشي البسيط المسكارا الي كل العالم متعودين على فرشتها! العادية الي كل ما زدتي طبقة زاد تقلها..

نيجي للباليت..

الاولى ماري مي..

اللون الوحيد في كل المجموعة مات .. ولونه حلو واساسي..

اللون دا جميييل .. وخصوصا في الدمج مع البرونز وحلو للربيع والصيف جدا :)

رائع مع اللون الي قبله.. دهبي على نقطة نحاسي بس اللون الذهبي اوضح فيه..

مو مرة عجبني لاني حسيته لون مات ورشو فوقو قلتر! بس حلو كإضاءة للجفن..

رائع اللون وجدا جميل في الدمج :)

اسوء لون في المجموعة واسوء شادو نفس مشكلة bubbly

كأنه لون مات ورشو عليه قلتر طبعا خفيف وابدا مو حلو ومافيه أي ثبات..

نيجي للبلاشر ..

دا البرونزر مات وجدا جميل وممكن تسوي بيه كونتور ..

هنا البلشر درجته حلوة وفيه لمعة جلوي :)

تاني باليت .. برايت!

دي الباليت مافيها ولا درجة مات ..

لكن دا اللون جدا جميل وينفع كا بيس او لما تكوني تبغي شي مرة ناعم وينور عيونك مرة حلو ..

انا ماني من محبين اللون البنك او الاحمر على الجفن .. بس حلو اذا اندمج مع الوان ثانية

دا اللون الرائع من اهم اسباب اختياري للباليت :)) اعشق اللون دا وطلع رائع لما اندمج مع اللون الي في الباليت الي قبله ..

buttered rum

لون ناعم وجميل ونفس الشي مثل wish

حلو تحطيه كابيس او حتى هاي ليتر لعضمة الجفن

اسوء لون في المجموعة ونفس مشكلة الاسود الي في الباليت الي قبلة.. القلتر غير ثابت

بعكس الاسود في الباليت الاولى هنا الاسود اثقل واحلى .. وانا احب الفروستي فينش عشان كدا معرف اذا بظلم الشدوهات القلتري ولا لا .. بس ما احب احساس ان شي قاعد يطيح على وجهي وشكلي يلمع!