Fire Grill Restaurant.. تقيمي لمطعم فاير جريل .. ولعها ;))

اهلين

اليوم حابة اتكلم عن مطعم رحته قريب .. فاير جريل .. انا بطبعي احب اجرب اي شيء جديد .. واتحمست لما عرفت انه مكسيكي :)

قررت انا ونورة العوفي وسارة العوفي الحلوين ومعانا الجميلة الاء سعيد نتقابل هناك ونجرب اكلهم ..

وقبل لا اروح قلتلهم ترا الي مسوية دايت عادي عندهم اكل صحي!

هتكلم عن المحل شوية ..

هو محل تابع لستايك هاوس .. بس كأنه فتح فرع مكسيكي منو ..

معتمد على 5 او 6 وجبات فقط .. والفكرة ان كل شخص يزبط الحشو على كيفه .. وموحد الاسعار لجميع الاطباق ..

اغلى طلب ب 38 ريال واقل شي ب 22 ريال - الحلا ب 10 ريال - المشروبات من 6 الى 15 ريال

معتمد ان كل شي فرش .. ( ومن جد انا شفت بنفسي وجربت فعلا كل شي فرش)

الي مسوي دايت يقدر يكمل عليه وياخذ خيارات صحية غير السلطة :)

خلينا نبدأ بالمكان ..

الدرج الي يطلعك على قسم العائلات..

الجلسات مريحة وماهي لاصقة في بعض .. في كراسي وفي كنب .. وفي كمان اماكن الي فيها بارتشن الخشب ..

المكان تحسي شبابي ومريح والاضاءة حلوة ونضيف ومرتب

عندهم مكان تقدري تشتري منو تريشيرتات واكواب عليها شعارهم

مرة يحمس انهم حاطين نعناع فرش وقطع برتقال وليمون عشان اذا تحبي تضيفي نكهة لمشروبك :)

الحمام الله يكرمكم ..

حمسني شكل الاحواض :)

نيجي للطلبات ..

هما حلاوتهم ان المنيو عبارة عن 5 طلبات او 6 بالكثير ولكن انت تنوعي في الحشو ..

بمعنى احنا قررنا نجرب كل المنيو عشان نعرف ايش اكثر شي لزيز

طلبنا كاساديا طبعا ..

طلبنا بوريتو

طلبنا تاكو

طلبنا سلطة

وطلبنا فهيتا

يسو كل شي قدامك .. وتختاري الحشوات .. تبغي لحم - دجاج - روبيان - وايش تبغي خضار فيه او جبنة .. الصور هتشرح اكثر .. ومن جد تحسي كل شي فرشششش

ومن جد الموظفين مررة حبوبين وبشوشين ويفهمو عليكي بسرعه :)

عندهم نوعين شربة بالدجاج وباللحم .. بس صراحة ما شفتهم الا على الاخير..

فكرة المحل انو سبايسي .. عشان كدا كلمة ولعها مكتوبة في كل مكان وعندهم شطة خاصه فيهم .. ولكن محنا من محبين الحار فما جربناها ..

نتكلم عن الطلبات ..

اول شي الناتشوززز .. رائعه وخفيفة وانا من عشاق الجواكامولي.. ومن جدددد مرررة طعم وفرششش

السلطة .. لزيزة وصحية وانت ليكي الخيار في نوع الخضار واي نوع لحوم تبغي وكمان الصوص الي عليها ..

التاكووو اللزيززززززز ..

قطعتين من التورتيا وخضار وخس وجبنه وتختاري معاهم لحم او دجاج وعليه سور كريييم :))

الكساديا .. بجد بطللل!

طلبنا الناتشوز بالجبنة ..

الفاهيتا .. لا يغركم حجمه !! مرررة يشبع يعتبر وجبه صحيه جدااا .. لانه بيبدا بالرز البني والكينوا وخضار مشوي وجبنه وبعدين عليه باقي الاشياء وتختاري نوع اللحم او الدجاج الي تبغيه